சென்னை: 2024ம் ஆண்டில் திமுக அரசு கொண்டுவந்த திட்டங்கள் குறித்த வீடியோவை முதல்வர் மு.க.ஸ்டாலின் வெளியிட்டார் . வரலாறு படைக்கும் திராவிட மாடல் அரசு எனும் தலைப்பில் இந்த வீடியோ வெளியாகியுள்ளது.
2021ம் ஆண்டு தேர்தலில் வெற்றிபெற்ற திமுக அரசு ஏராளமான மக்கள் நலத்திட்டங்களை செயல்படுத்தி வருகிறது. இந்த நிலையில், கடந்த ஆண்டு (2024) திமுக அரசு நிறைவேற்றிய திட்டங்கள், கொண்டு வந்த திட்டங்களை தொகுத்து வீடியோவாக திமுக தலைவரும், முதலமைச்சருமான மு.க.ஸ்டாலின் வெளியிட்டு உள்ளார்.
வரலாறு படைக்கும் திராவிட மாடல் அரசு என்ற பெயரில் வெளியிடப்பட்டுள்ள இந்த அறிவிப்பில், மகளிர் உரிமைத்தொகை திட்டம். சமத்துவ பொங்கல் விழா, கலைஞர் நூற்றாண்டு ஏறுதழுவுதல் அரங்கம், மக்களை தேடி மருத்துவம், காலை உணவுத்திட்டம், கலைஞர் நூற்றாண்டு நாணய வெளியீட்டு விழா உள்ளிட்ட திமுக அரசின் பல நிகழ்வுகள் இதில் காட்சிப்படுத்தப்பட்டுள்ளன.
இந்த வீடியோ முதலமைச்சர் ஸ்டாலின் தனது எக்ஸ் பக்கத்தில் மு வெளியிட்டுள்ளார். இந்த வீடியோவை திமுக நபர்கள் வைரலாக்கி வருகின்றனர்.