சென்னை:
பிரதமர் மோடி அறிவித்துள்ள மக்கள் ஊரடங்கிற்கு, மக்கள்நீதி மய்யம் கட்சி தலைவர் கமல்ஹாசன் ஆதரவு தெரிவித்து உள்ளார். மேலும், தனது திரைத்துறை நண்பர்களையும் ஆதரவு தருமாறு அழைப்பு விடுத்துள்ளார்.
இதுகுறித்து அவர் வெளியிட்டுள்ள டிவிட்டர் பதிவில்,
மக்கள் ஊரடங்கிற்கு தனது முழு ஒத்துழைப்பை தருவதாகவும், இது போன்ற அசாதாரண சூழல்களில், அசாதாரண நடவடிக்கைகளை எடுக்க வேண்டியிருப்பதாகவும் கூறியுள்ளார்.
நாம் அனைவரும் ஒற்றுமையாக வீடுகளுக்குள்ளேயே இருப்பதன் மூலம் இந்த பேரிடரிலிருந்து தற்காத்து கொள்ளலாம் என தெரிவித்துள்ள அவர், தனது ரசிகர்கள், நண்பர்கள் மற்றும் பொதுமக்களும் ஊரடங்கிற்கு ஆதரவு தர அழைப்பு விடுத்துள்ளார்.
இதை, அவர் ரஜினி, அஜித், விஜய், சூர்யா, விக்ரம், தனுஷ், சிம்பு, விஜய் சேதுபதி, இளையராஜா, அனிருத் போன்றோருக்கும் டேக் செய்துள்ளார்.