புல்தானா:
பாகிஸ்தானின் தீவிரவாதி முகாமில் இந்திய விமானப் படை தாக்குதல் நடத்தியதில், உயிர்த்தியாகம் செய்த சிஆர்பிஎஃப் வீரர்களின் குடும்பத்தினருக்கு ஆறுதலை தந்துள்ளது.
எனினும் தீவிரவாதிகள் முற்றிலும் அழிக்க வேண்டும் என்பதே அவர்களது வேண்டுகோளாக இருக்கிறது.
மகாராஷ்ட்ரா மாநிலம் புல்தானா மாவட்டத்தைச் சேர்ந்த சஞ்சய் ராஜ்புத் சகோதரர் ராஜேஸ் ராஜ்புத் கூறும்போது, என் சகோதரர் உட்பட 40 வீரர்கள் மீது தாக்குதல் நடத்தியதற்கு இந்திய விமானப் படை பாகிஸ்தான் சென்று பழி தீர்த்துக் கொண்டிருக்கிறது.
இந்த தாக்குதலில் பாகிஸ்தானில் உள்ள தீவிரவாத முகாம்கள் அழிக்கப்பட்டதாகவும், 200 தீவிரவாதிகள் கொல்லப்பட்டதாகவும் அறிந்தோம்.
இது போதாது. இந்தியாவை தாக்க நினைக்கும் தீவிரவாதிகளை முற்றிலும் அழிக்க வேண்டும் என்றார்.
உயிர்த் தியாகம் செய்த 40 வீரர்களின் குடுபத்தாரின் ஒருமித்த குரலும் இதுவாகவே உள்ளது.