மும்பை:
மறைந்த நடிகை ஸ்ரீதேவியின் உடலுக்கு அஞ்சலி செலுத்த சென்ற ரசிகர்கள் அவரது முகத்தை பார்க்க முடியாமல் ஏமாற்றமடைந்தனர்.
துபாயில் மரணம் அடைந்த நடிகை ஸ்ரீதேவியின் உடல் மும்பை அந்தேரி பகுதியில் உள்ள அவரது வீட்டில் அஞ்சலிக்காக வைக்கப்பட்டது. அவரது முகத்தை கடைசியாக ஒரு முறை பார்த்துவிட வேண்டும் என்று அவரது வீட்டின் முன் ஏராளமான ரசிகர்கள் குவிந்தனர். ஆனால் ஸ்ரீதேவியின் உடலுக்கு பிரபலங்கள் மட்டுமே அருகில் சென்று அஞ்சலி செலுத்தினார்கள். அவரது உடல் வைக்கப்பட்டு உள்ள இடத்தில் இருந்து சற்று தூரத்தில் இருந்தே அஞ்சலி செலுத்த ரசிகர்கள் அனுமதிக்கப்பட்டனர்.
இதனால் கண்ணாடி பேழைக்குள் இருந்த ஸ்ரீதேவியின் முகத்தை ரசிகர்களால் பார்க்க முடியவில்லை. இதனால் ரசிகர்கள் , தாங்கள் ஏமாற்றம் அடைந்ததாக தெரிவித்தனர்.