டெல்லி: நாடாளுமன்ற மக்களவையில், ஆன்லைன் சூதாட்ட தடை மசோதா மக்களவையில் நிறைவேற்றப்பட்டுள்ளது. இதற்கிடையில் இந்த மசோதா காரணமாக, சுமார் 2 லட்சம் ஐடி ஊழியர்களும், ஏராளமான நிறுவனங்களும் பாதிப்பை சந்திக்கும் என அஞ்சப்படுகிறது. அவர்களின் எதிர்காலம் கேள்விக்குறியாகி உள்ளது.
நாடாளுமன்ற மழைக்கால கூட்டத்தொடரில் எதிர்க்கட்சிகள் அமளிக்கு மத்தியில் ஆன்லைன் சூதாட்ட தடை மசோதா மக்களவையில் நிறைவேற்றப்பட்டது. இந்த மசோதா இனி மாநிலங்களவையில் தாக்கல் செய்யப்பட்டு நிறைவேற்றப்பட்டு, குடியரசு தலைவர் ஒப்புதலுக்கு வழங்கப்படும். குடியரசு தலைவர் ஒப்புதல் வழங்கியதும், இந்த மசோதா அமலுக்கு வருகிறது.
ஆன்லைன் கேமிங்கால் பலர் பணத்தை இழந்து தற்கொலையை நாடுவது நாளுக்கு நாள் அதிகரித்து வருகிறது. குறிப்பாக தமிழ்நாட்டில், ஆன்லைன் கேமிங்கால் ஏராளமானோர் தற்கொலை செய்துள்ள நிலையில், தமிழ்நாடு அரசும் ஆன்லைன் தடை மசோதாவை அமல்படுத்தி உள்ளது.
இந்த நிலையில், மத்தியஅரசு ஆன்லைன் கேமிங் தடை மசோதாவை மக்களவையில் தாக்கல் செய்தது. தற்போது நாடாளுமன்ற மழைக்கால கூட்டத்தொடர் நடைபெற்று வரும் நிலையில், எதிர்க்கட்சிகளின் அமளிக்கு மத்தியில், நேற்று ஆன்லைன் சூதாட்ட தடை மசோதாவை மத்திய அரசு மக்களவையில் தாக்கல் செய்தது. இந்த மசோதா குரல் வாக்கெடுப்பு மூலம் நிறைவேற்றப்பட்டது.
இதைத்தொடர்ந்து, இந்த மசோதா இன்று மாநிலங்களவையில் தாக்கல் செய்யப்பட்டு நிறைவேற்றப்பட உள்ளது. , அதன் பிறகு இந்த மசோதா சட்ட ஒப்புதலுக்கு அனுப்பப்படும். இந்த மசோதா சட்டமாக அமலுக்கு வந்தால், ஆன்லைன் சூதாட்ட விளையாட்டுகளை நடத்துவோர் அல்லது அதில் ஈடுபடுவோருக்கு 3 ஆண்டுகள் சிறை தண்டனை, ரூ.1 கோடி அபராதம் உள்ளிட்ட கடுமையான தண்டனைகள் விதிக்கப்படும்.
ஆன்லைன் சூதாட்டத்தால் ஏற்படும் சமூக மற்றும் பொருளாதாரப் பிரச்சனைகளைக் கருத்தில் கொண்டு இந்த மசோதா கொண்டு வரப்பட்டுள்ளது. இது நாட்டின் இளைஞர்கள் மற்றும் சமூகத்தைப் பாதுகாக்கும் ஒரு முக்கியமான நடவடிக்கையாகக் கருதப்படுகிறது.
இதற்கிடையில், இந்தியாவில் ஆன்லைன் சூதாட்ட தடை மசோதா மக்களவையில் நிறைற்றப்பட்டு அமலுக்கு வந்தால், பல ஆயிரம் ஐடி தொழிலாளர்கள் பணி இழக்கும் வாய்ப்பு உருவாகும் என்றும் அஞ்சப்படுகிறது.
அரசாங்கம் கற்பனை விளையாட்டுகள், ஆன்லைன் ரம்மி, போக்கர் மற்றும் பிற உண்மையான பண விளையாட்டுகளுக்கான மூடல்களைக் குறைக்கும் நோக்கத்தில் இருப்பதால், 400 ஆன்லைன் கேமிங் நிறுவனங்களில் பணிபுரியும் 2 லட்சம் பேர் வரை பணி இழக்கும் வாய்ப்பு இருப்பதாக கூறப்படுகிறது.
கேமிங் தடை லட்சக்கணக்கான வேலைகளை நிச்சயமற்ற நிலையில் வைக்கிறது
ஐடி துறையில் வேலைகளைத் தேடும் ஊழியர்கள், தங்கள் வேலைகள் ஆபத்தில் இருப்பதை அறிந்து இழப்பீட்டைக் குறைக்கின்றனர்.
இந்த மசோதாவால் கேமிங் தயாரிப்பு நிறுவனங்களில் பணியாற்றி வரும் லட்சக்கணக்கான ஊழியர்கள் தங்களது வாழ்வாதாரம் குறித்து அச்சத்தை தெரிவித்துள்ளனர். ஐடி மற்றும் பணம் அல்லாத கேமிங் துறையில் உள்ள தங்கள் சகாக்களை ஒரு வேலைக்காக குரல் கொடுக்கிறார்கள்.
ஆன்லைன் விளையாட்டுக்களுக்கு கடந்த ஆண்டு, அரசாங்கம் 28% வரியை அறிமுகப்படுத்தியபோது, இதுபோன்ற பரபரப்பு எழுந்த நிலையில், பின்னர் வேலையிழப்பு இன்றி ஐடி துறை சரியானது. ஆனால், தற்போது ஆன்லைன் கேமிங் தடை மசோதா கொண்டு வரப்படுவதால், 200,000 வேலைகள் ஆபத்தில் உள்ள நிலையில், ஆன்லைன் கேமிங் தடையை மறுபரிசீலனை செய்யுமாறு தொழில்துறை அமைப்புகள் அமித் ஷாவை வலியுறுத்துகின்றன.
இனால், கேமிங் துறையில் பணியாற்றி வரும் ஐடி ஊழியர்கள் பலர்,பிற நிறுவனங்களில் சேர உயர்மட்ட அதிகாரிகள் தங்கள் ஊதியங்களைக் குறைக்க வேண்டியிருக்கும் என்றும், இதுதொடர்பாக அவர்களுக்குள்ளே ஒருவரை ஒருவரை மாற்றி தங்களி பணி குறித்து கேள்வி எழுப்பி வருகின்றனர். பலர் புதிய வாய்ப்புகளைத் தேட தொடங்கி உள்ளதாகவும், கூறப்படுகிறது.
இந்த தடை காரணமாக, பொருளாதார சிக்கலில் தள்ளப்படும் லட்சக்கணக்கானவர்களை யார் கவனித்துக்கொள்வார்கள்? என நிறுவனங்கள் கேள்வி எழுப்பி வருகின்றன.
