டெல்லி: சுதந்திரப் போராட்ட வீரர்களுக்கு எதிரான பொறுப்பற்ற பேச்சுக்களை அனுமதிக்க முடியாது என காங்கிரஸ் எம்.பி.யும், மக்களவை எதிர்க்கட்சி தலைவருமான ராகுல் காந்தியை உச்ச நீதிமன்றம் கண்டித்துள்ளது.
வீரசவர்க்கர் குறித்து ராகுல்காந்தி பேசியதை கண்டித்த நீதிபதிகள், சுதந்திரப் போராட்ட வீரர்களுக்கு எதிரான பொறுப்பற்ற பேச்சுக்களை அனுமதிக்க முடியாது என்றும் கூறி உள்ளது. ஏற்கனவே நாடு முழுவதும் பரபரப்பை ஏற்படுத்திய, அதானி மற்றும் பிரதமர் மோடியை இணைத்து வெளியான ஹிண்டன்பெர்க் அறிக்கையில், பின்னணியில் ராகுல் காந்தி இருப்பதாக இஸ்ரேல் நாட்டின் உளவு அமைப்பு தெரிவித்துள்ளதாக ஸ்புட்னிக் இந்தியா அமைப்பு கூறி பரபரப்பை ஏற்படுத்தி உள்ள நிலையில், தற்போது உச்சநீதிமன்றமும் ராகுலின் தேவையற்ற பேச்சுக்கு கடிவாளம் போட்டுள்ளது.
மகாத்மாகாந்தி கூட ஆங்கிலேயர்களைத் தொடர்புகொண்டபோது, உங்களின் விசுவாசமான ஊழியர் என்று குறிப்பிட்டது, ராகுல் காந்திக்கு தெரியுமா? ஆங்கிலேய ருக்கு, காந்தி எழுதிய கடிதத்தில் ஃபெய்த்புல் சர்வன்ட் (Faithful servant) என்ற வார்த்தையே பயன்படுத்தி இருந்தார். அப்படியென்றால் காந்தி ஆங்கிலேயருக்கு வேலைக்காரர் என்று அர்த்தமா?.. அப்படித்தான் பொருள்படுமா? என கேள்வி எழுப்பி, ராகுலை சாடியது.
முன்னதாக, மகாராஷ்டிர மாநிலம், அலோகாவில் நடைபெற்ற பாரத் ஜோடோ நடைப்பயணத்தின்போது செய்தியாளர்களுடன் ராகுல் காந்தி பேசினார். அப்போது வீர சாவர்க்கர் குறித்து ராகுல் அவதூறு கருத்து தெரிவித்ததாக லக்னோ மாவட்டத்தில் உள்ள நீதிமன்றத்தில் வழக்கு தொடரப்பட்டது.
மகாத்மா காந்தி, ஜவஹர்லால் நேரு, சர்தார் வல்லபபாய் படேல் போன்றோர் சிறையில் வாடியிருந்தபோது, சாவர்க்கர் மட்டும் ஆங்கிலேயர்களுக்கு மன்னிப்புக் கடிதம் எழுதிய தாகவும், முஸ்லிம் நபர் ஒருவரை சாவர்க்கர் தாக்கியதாக சாவர்க்கரின் புத்தகத்திலேயே குறிப்பிட்டதாக ராகுல் காந்தி அப்போது தெரிவித்ததாகக் கூறப்படுகிறது. ராகுல் காந்தியின் இந்தக் கருத்துக்கு பாஜக உள்பட பல்வேறு தரப்பினர் கண்டனங்களை தெரிவித்தனர்.
இதுதொடர்பாக ராகுல்மீது வழக்கு தொடரப்பட்டது. இந்த வழக்கு குறித்து விசாரணைக்கு விசாரணைக்கு ஆஜராகுமாறு ராகுலுக்கு அலகாத் நீதிமன்றம் உத்தரவிட்டது. இதனையடுத்து, தன் மீதான அவதூறு வழக்கை ரத்து செய்யுமாறு அலகாபாத் நீதிமன்றத்தில் ராகுல் மனு அளித்தார். இருப்பினும், அவரது மனுவை அலகாபாத் நீதிமன்றம் நிராகரித்தது.
இதனைத் தொடர்ந்து, உச்ச நீதிமன்றத்தில் ராகுல் காந்தி வழக்கு தொடர்ந்தார். தன் மீதான அவதூறான சர்ச்சைக்குரிய நடவடிக்கைகள், மக்களவை எதிர்க்கட்சித் தலைவராக சுதந்திரமாக தனது கடமையைச் செய்ய தடையாக இருப்பதாகவும் மனுவில் குறிப்பிட்டிருந்தார்.
இந்த வழக்கு நேற்று உச்ச நீதிமன்ற நீதிபதிகள் தீபாங்கர் தத்தா, மன்மோகன் ஆகியோர் அடங்கிய அமர்வு முன்பு விசாரணைக்கு வந்தது. அப்போது வழக்கை விசாரித்த நீதிபதிகள் கூறியதாவது:
இந்த வழக்கு எடுத்துக்கொள்ளப்பட்டவுடன், சாவர்க்கர் ஆங்கிலேயர்களின் ஊழியர் என்ற ராகுல் காந்தியின் கூற்றுக்கு நீதிபதி தத்தா ஆட்சேபனை தெரிவித்தார். வைஸ்ராயிடம் எழுதிய கடிதங்களில் “உங்கள் உண்மையுள்ள வேலைக்காரன்” என்ற வார்த்தையை மகாத்மா காந்தி பயன்படுத்தியதால் அவரை ஆங்கிலேயர்களின் வேலைக்காரன் என்று அழைக்க முடியுமா என்று நீதிபதி தத்தா கேட்டார்.
“வைஸ்ராயிடம் உரையாற்றும்போது மகாத்மா காந்தி “உங்கள் உண்மையுள்ள வேலைக்காரன்” என்று பயன்படுத்தினார் என்பது உங்கள் கட்சிக்காரருக்குத் தெரியுமா? அவரது பாட்டி (இந்திரா காந்தி) பிரதமராக இருந்தபோது, சுதந்திரப் போராட்ட வீரரான சாவர்க்கரைப் புகழ்ந்து கடிதம் அனுப்பினார் என்பது உங்கள் கட்சிக்காரருக்குத் தெரியுமா?” காந்தியின் சார்பாகப் பேசிய மூத்த வழக்கறிஞர் ஏ.எம். சிங்வியிடம் நீதிபதி தத்தா கேட்டார்.
எதிர்க்கட்சித் தலைவராக ராகுலின் கருத்துகள் பொறுப்பற்றவையாகக் கொள்ளப்படுகின்றன. இனிவரும் காலங்களில், இவ்வாறு சுதந்திரப் போராட்ட வீரர்கள் யாரையும் கேலி செய்ய வேண்டாம். சுதந்திரப் போராட்ட வீரர்களுக்கு எதிரான பொறுப்பற்ற பேச்சுக்களை ஒருபோதும் அனுமதிக்க முடியாது.
இந்த முறை சாவர்க்கர், அடுத்த முறை மகாத்மா காந்தி ஆங்கிலேயர்களின் ஊழியர் என்று யாராவது கூறுவார்கள். மகாத்மா காந்தி கூட ஆங்கிலேயர்களைத் தொடர்புகொண்டபோது, உங்களின் விசுவாசமான ஊழியர் என்று குறிப்பிட்டது, ராகுல் காந்திக்கு தெரியுமா? ஆங்கிலேயருக்கு, காந்தி எழுதிய கடிதத்தில் ஃபெய்த்புல் சர்வன்ட் (Faithful servant) என்ற வார்த்தையே பயன்படுத்தி இருந்தார். அப்படியென்றால் காந்தி ஆங்கிலேயருக்கு வேலைக்காரர் என்று அர்த்தமா?.. அப்படித்தான் பொருள்படுமா?
மகாராஷ்டிர மாநிலத்தில் வீர சாவர்க்கரை அனைவரும் போற்றுகின்றனர். எனவே, சுதந்திரப் போராட்ட வீரர்கள் குறித்து பொறுப்பற்ற வகையில் கருத்துகளைத் தெரிவிக்க வேண்டாம். நீங்கள் ஒரு நல்ல சட்டக் கருத்தை வகுத்துள்ளீர்கள், மேலும் நீங்கள் தங்கியிருக்க உரிமை உண்டு. அது எங்களுக்குத் தெரியும்.
ஆனால் நீங்கள் நமது சுதந்திரப் போராட்ட வீரர்களை நடத்தும் விதம் இதுவல்ல. இந்தியாவின் வரலாறு அல்லது புவியியல் பற்றி உங்களுக்கு எதுவும் தெரியாதபோது சவர்க்கைரை பற்றி நீங்கள் எப்படி விமர்சிக்க முடியும் ” நீதிபதி தத்தா குறிப்பிட்டார்.
“அவர் ஒரு அந்தஸ்துள்ள நபர். அவர் ஒரு அரசியல் கட்சியின் அரசியல் தலைவர். நீங்கள் ஏன் இப்படி பிரச்சனையைத் தூண்ட வேண்டும்? நீங்கள் அகோலாவுக்குச் சென்று, அவர் (சாவர்க்கர்) வணங்கப்படும் மகாராஷ்டிராவில் இந்த அறிக்கையை வெளியிடு முடியுமா என கேள்வி எழுபிபிய நீதிபதி தத்தா , பிரிட்டிஷ் காலத்தில் கல்கத்தா உயர் நீதிமன்ற நீதிபதிகள் கூட தலைமை நீதிபதியை “உங்கள் வேலைக்காரன்” என்று அழைத்தனர் என்று அவர் கூறினார்
. “யாரோ இப்படி ஒரு வேலைக்காரனாக மாறுவதில்லை. அடுத்த முறை, மகாத்மா காந்தி ஆங்கிலேயர்களின் வேலைக்காரன் என்று யாராவது சொல்வார்கள். நீங்கள் இந்த வகையான அறிக்கைகளை ஊக்குவிக்கிறீர்கள்,” என்று நீதிபதி தத்தா கூறினார். இருப்பினும், எதிர்காலத்தில் இதுபோன்ற எந்த அறிக்கைகளையும் வெளியிடக்கூடாது என்ற நிபந்தனையின் பேரில், நடவடிக்கைகளை நிறுத்தி வைக்க விருப்பம் இருப்பதாக பெஞ்ச் கூறியது.
“நாங்கள் உங்களுக்கு தடை வழங்குவோம்.. ஆனால் பொறுப்பற்ற அறிக்கைகளை வெளியிடுவதை நாங்கள் தடுப்போம். தெளிவாக இருக்கட்டும், மேலும் எந்த அறிக்கையும் இருந்தால், நாங்கள் தானாக முன்வந்து அனுமதி கேட்போம்! எங்கள் சுதந்திரப் போராட்ட வீரர்களைப் பற்றி எதுவும் பேச நாங்கள் உங்களை அனுமதிக்க மாட்டோம். அவர்கள் எங்களுக்கு சுதந்திரம் கொடுத்திருக்கிறார்கள், நாங்கள் அவர்களை இப்படித்தான் நடத்துகிறோம்?,” என்று நீதிபதி தத்தா கூறினார்.
இதையடுத்து இனிமேல் ராகுல் தரப்பில் இருந்து அத்தகைய அறிக்கைகள் எதுவும் வெளியிடப்படாது என்று சிங்வி வாய்மொழியாகக் கூறினார். இதையடுத்து சுதந்திரப் போராட்ட வீரர்கள் குறித்து பொறுப்பற்ற அவதூறு கருத்துக்களை வருங்காலத்தில் பேசினால் தானாக முன்வந்து வழக்கு விசாரணைக்கு எடுக்கப்படும் என்பதை நினைவில் கொள்ளுங்கள் என்று எச்சரித்துடன், இந்த வழக்கில், ராகுல் காந்தி மீதான குற்றவியல் நடவடிக்கைகளுக்கு நீதிபதிகள் தடை விதித்தும் உத்தரவிட்டு வழக்கை ஒத்தி வைத்தனர்.
கடந்த ஆண்டு டிசம்பரில், காந்தி ஒரு பத்திரிகையாளர் சந்திப்பில் பேசியதற்காக நீதிமன்றம் சம்மன் அனுப்பியது. அதில், சாவர்க்கர் ஆங்கிலேயர்களின் ஊழியர் என்றும், அவர் ஆங்கிலேயர்களிடமிருந்து ஓய்வூதியம் பெற்றதாகவும் அவர் கூறியதாகக் கூறப்படுகிறது.
காந்தி சமூகத்தில் வெறுப்பைப் பரப்பும் நோக்கத்துடன், விநாயக் தாமோதர் சாவர்க்கரை ஆங்கிலேயர்களின் ஊழியர் என்றும், அவர் ஆங்கிலேயர்களிடமிருந்து ஓய்வூதியம் பெற்றதாகவும் கூறி வழக்கறிஞர் நிருபேந்திர பாண்டே ஒரு புகார் வழக்கு தொடர்ந்தார்.
“பத்திரிகையாளர் சந்திப்புகளில் முன்னர் அச்சிடப்பட்ட துண்டுப்பிரசுரங்கள் மற்றும் துண்டுப்பிரசுரங்களை விநியோகிப்பது, ராகுல் காந்தி சமூகத்தில் வெறுப்பையும் பகைமையையும் பரப்புவதன் மூலம் தேசத்தின் அடிப்படை பண்புகளை பலவீனப்படுத்தி அவமதித்துள்ளார் என்பதை நிரூபிக்கிறது” என்று லக்னோவின் கூடுதல் சிவில் நீதிபதி (சீனியர் டிவிஷன்)/ஏசிஜேஎம், அலோக் வர்மா, டிசம்பரில் பிறப்பித்த உத்தரவில் கூறியிருந்தார்.
உயர் நீதிமன்ற நீதிபதி சுபாஷ் வித்யார்த்தி, பிரிவு 397 CrPC (பிரிவு 438 BNSS) இன் கீழ் அமர்வு நீதிபதி முன் செல்ல காந்திக்கு ஒரு தீர்வு உள்ளது என்று வாய்மொழியாகக் குறிப்பிட்டிருந்தார். இதைக் கருத்தில் கொண்டு, நீதிமன்றம் அவரது மனுவை தள்ளுபடி செய்தது.
முன்னதாக, கடந்த 2023ம் ஆண்டு ஜனவரி மாதம் வெளியான ஹிண்டன்பர்க் அறிக்கை நாடு முழுவதும் பெரும் அதிர்வலைகளை ஏற்படுத்தியது. அதில், அதானி நிறுவனங்கள் செயற்கையான முறையில் பங்குகளின் விலையை உயர்த்தி மோசடியில் ஈடுபட்டதாகவும், அதன் கணக்கு வழக்குகளில் முறைகேடுகள் செய்ததாகவும் தெரிவிக்கப்பட்டது. இந்த கடுமையான குற்றச்சாட்டை அடுத்து அதானி குழும பங்குகளின் விலை அதலபாதளத்துக்கு சென்றது. இதனால், முதலீட்டாளர்களுக்கு கடும் இழப்பு ஏற்பட்டது. அமெரிக்க ஆய்வு நிறுவனமான ஹிண்டன்பெர் அறிக்கையைத் தொடர்ந்து, அதானி நிறுவனம் பெரும் சிக்கலில் சிக்கியது.
இதையடுத்து, அவர்மீது அமெரிக்க நீதிமன்றத்தில் வழக்கு தொடுக்கப்பட்டது. மேலும், இந்தியாவிலும் காங்கிரஸ் உள்பட எதிர்க்கட்சிகள், அதானி நிறுவனம் மற்றும் பிரதமர் மோடி குறித்து கடுமையாக விமர்சித்ததுடன் நாடாளுமன்ற அவைகளையும் முடக்கின. மேலும், உச்சநீதிமன்றத்திலும் வழக்கு தொடரப்பட்டது. இதையடுத்துஉச்சநீதிமன்றமும் குழு அமைத்து விசாரணை நடத்தியது. இதில், ஹிண்டன் பெர்க் குற்றச்சாட்டுக்கு ஆதாரமில்லை என கூறப்பட்டதால், அந்த விவகாரம் முடங்கியது.
ஆனால், இந்த விவகாரத்தில், காங்கிரஸ் மேற்கொண்ட நடவடிக்ககைளால் அதானி குழுமம் பெரும் இழப்பை சந்தித்தது. இந்த அறிக்கை அதானி குழுமத்தின் பங்குகளில் கூர்மையான சரிவை ஏற்படுத்தியது, சந்தை மதிப்பில் $100 பில்லியனுக்கும் அதிகமான தொகையை அழித்துவிட்டது. இந்த கூட்டு நிறுவனம் அனைத்து குற்றச்சாட்டுகளையும் மறுத்து, அறிக்கையை “தேர்ந்தெடுக்கப்பட்ட தவறான தகவல் மற்றும் பழைய, ஆதாரமற்ற கூற்றுகளின் தீங்கிழைக்கும் கலவை” என்று அழைத்துள்ளது.
பின்னர் அமெரிக்காவில் ஆட்சி மாற்றம் ஏற்பட்டு, டிரம்ப் மீண்டும் அதிபரானதும், ஹிண்டென்பெர்க் நிறுவனம், தனது நிறுவனத்தை மூடுவதாக அறிவித்துவிட்டு வெளியேறியது. இது பல்வேறு சந்தேகங்களை ஏற்படுத்தியது.
இந்த நிலையில், இந்திய தொழிலதிபரும், பிரதமர் மோடியின் நண்பருமான, அதானியை குறிவைத்த ஹிண்டன்பர்க் அறிக்கை வெளியானதன் பின்னணியில் ராகுல் காந்தி இருந்ததாக தகவல் வெளியாகியுள்ளது.
இந்திய தொழிலதிபரான அதானி குறிவைத்து ஹிண்டன்பர்க் அறிக்கை வெளியான பின்னணியில் ராகுலுக்கும் தொடர்பு இருப்பதை ரகசிய விசாரணையின் மூலம் இஸ்ரேலின் உளவு அமைப்பான மொசாட் கண்டுபிடித்துள்ளதாக ஸ்புட்னிக் இந்தியா தெரிவித்துள்ளது.
இந்திய கோடீஸ்வரர் கௌதம் அதானிக்கு எதிரான உலகளாவிய பிரச்சாரத்தை எதிர்கொள்ள இஸ்ரேலிய பிரதமர் பெஞ்சமின் நெதன்யாகு தனிப்பட்ட முறையில் மொசாட்டிற்கு உத்தரவிட்டதாக ஸ்புட்னிக் இந்தியா வட்டாரங்கள் தெரிவித்தன. ஹிண்டன்பர்க் ஆராய்ச்சி நிறுவனத்துடன் இந்திய எதிர்க்கட்சியின் தொடர்புகள் குறித்த ஆதாரங்களைத் தேடுவதற்காக, இந்திய வெளிநாட்டு காங்கிரஸ் (IOC) தலைவரும் காங்கிரஸ் எம்பி ராகுல் காந்தியின் அரசியல் குருவுமான சாம் பிட்ரோடாவின் வீட்டு சேவையகங்களை இஸ்ரேலின் உளவு நிறுவனமான மொசாட் ஹேக் செய்ததாக தகவலறிந்த வட்டாரங்கள் ஸ்புட்னிக் இந்தியாவிடம் தெரிவித்துள்ளன. பிட்ரோடா அமெரிக்காவின் இல்லினாய்ஸ் மாநிலத்தில் உள்ள ஓக்புரூக் டெரஸைச் சேர்ந்தவர்.
இந்தக் கூற்றுக்களை பல செய்தி நிறுவனங்களும்வெளியிட்டுள்ளன, மேலும் இந்தத் தகவலை ஸ்புட்னிக் இந்தியாவுக்குக் காரணம் காட்டுகின்றன.
ராகுல் காந்தியின் நெருங்கிய உதவியாளரும், காங்கிரஸ் வெளிநாடு வாழ் இந்தியர்கள் பிரிவின் தலைவருமான சாம்பிட்ராடோவின் நடவடிக்கைகளை மொசாட் ரகசியமாக கண்கணித்ததையடுத்து இந்த உண்மை தெரியவந்துள்ளதாக ஸ்புட்னிக் கூறியுள்ளது.
கவுதம் அதானி மற்றும் பிரதமர் மோடி ஆகியோருக்கு அவப்பெயர் ஏற்படுத்துவதை உள்நோக்கமாகக் கொண்டு ராகுல் காந்திக்கும் ஹிண்டன்பர்க் ஆய்வுக் குழுவுக் கும் இடையேயான தொடர்புகளை அதன் மறைகுறியாக்கப்பட்ட அரட்டைகள் மற்றும் வெளிப்படுத்தப்படாத நிகழ்நேர தொடர்புகள் மொசாட்டின் ரகசிய உளவுபார்ப்பின்போது சிக்கியதாக ஸ்புட்னிக் இந்தியா தெரிவித்துள்ளது.
இந்த விவகாரம் பெரும் பரபரப்பை ஏற்படுத்தி உள்ளது.
இந்தியாவில் வாக்கு சதவீதத்தை அதிகரிக்க ரூ.180 கோடி யாருக்கு வழங்கியது அமெரிக்கா! பாஜக கேள்வி…
சர்ச்சையின் பிதாமகனான அமெரிக்காவின் ‘ஹிண்டன்பர்க் நிறுவனம்’ மூடப்படுவதாக திடீர் அறிவிப்பு….
அதானி – ஹிண்டன்பெர்க் விவகாரம் தொடர்பாக ‘செபி’ விசாரிக்கும்! உச்சநீதிமன்றம் தீர்ப்பு…
