அதிகரித்து வரும் விலைவாசி உயர்வை சமாளிக்க தொழிலாளர்களுக்கான குறைந்தபட்ச ஊதியத்தை மத்திய அரசு உயர்த்தியுள்ளது

தொழிலாளர்களுக்கான குறைந்தபட்ச ஊதியத்தை நாள் ஒன்றுக்கு ரூ.1,035 வரை மத்திய அரசு உயர்த்தியுள்ளது.

அதிகரித்து வரும் விலைவாசியை சமாளிக்க தொழிலாளர்களுக்கு இந்த ஊதிய உயர்வை அறிவித்துள்ளதாக தொழிலாளர் அமைச்சக அறிக்கை தெரிவித்துள்ளது.

மாறக்கூடிய அகவிலைப்படியை மாற்றியமைப்பதன் மூலம் தொழிலாளர்களுக்கான குறைந்தபட்ச ஊதிய விகிதங்களை ஒரு நாளைக்கு ரூ.1,035 வரை உயர்த்துவதாக மத்திய அரசு வியாழக்கிழமை அறிவித்தது.

இந்த உயர்வை அடுத்து, ‘A’ பிரிவில் உள்ள தூய்மைப்பணி, துடைத்தல், சுத்தம் செய்தல், சுமை ஏற்றுதல் & இறக்குதல் போன்றவற்றில் பணிபுரியும் தொழிலாளர்களுக்கு குறைந்தபட்ச ஊதியம் ஒரு நாளைக்கு ரூ.783 ஆக இருக்கும் (மாதம் ரூ. 20,358).

அரை திறன் கொண்ட தொழிலாளர்களுக்கு, குறைந்தபட்ச ஊதியம் ஒரு நாளைக்கு ரூ. 868 (மாதம் ரூ. 22,568) மற்றும் திறமையான, எழுத்தர் மற்றும் வாட்ச் & வார்டுகளுக்கு ஆயுதம் இல்லாதவர்களுக்கு ஒரு நாளைக்கு ரூ. 954 (மாதம் ரூ. 24,804).

மிகவும் திறமையான மற்றும் ஆயுதங்களுடன் கூடிய வாட்ச் & வார்டுக்கான குறைந்தபட்ச ஊதியம் ஒரு நாளைக்கு ரூ.1,035 ஆக இருக்கும் (மாதம் ரூ.26,910).

இதற்கு முன் ஏப்ரல் 2024 இல் குறைந்தபட்ச ஊதியத்தில் திருத்தம் செய்யப்பட்டது. தற்போது அறிவிக்கப்பட்டுள்ள புதிய ஊதிய மாற்றம் அக்டோபர் 1, 2024 முதல் அமலுக்கு வரும் என்று அறிவித்துள்ளது.