கொல்கத்தா
கொல்கத்தாவில் வங்காள தேச எம் பி அன்வருல் அசீம் அனார் காணாமல் போயுள்ளார்.
வங்காள தேச அவாமி லீக் கட்சி எம்.பி.,யான அன்வருல் அசிம் அனார், கடந்த சில நாட்களுக்கு முன் மருத்துவ சிகிச்சைக்கு வந்தார். அவர் சிகிச்சைக்கு பிறகு காணாமல் போனதாக கொல்கத்தாவில் உள்ள வங்காளதேச துணை தூதரகத்தின் மூத்த அதிகாரி தெரிவித்துள்ளார்.
அவர் வங்கதேசத்தின் ஆளும் அவாமி லீக்கின் எம்.பி.,யான அன்வருல் அசிம் அனார், கடந்த 13-ம் தேதி முதல் காணவில்லை என்று தெரிவித்துள்ளார். கடந்த் 12 ஆம் தேதி அனார் மருத்துவ சிகிச்சைக்காக அன்று கொல்கத்தாவுக்கு வந்து, பாராநகரில் உள்ள தனது நண்பரின் வீட்டில் தங்கியிருந்தவர் 13 ஆம் தேதி ந்ண்பர் ஒருவரைச் சந்திக்கச் சென்று பின்னர் வீடு திரும்பவில்லை.
அவரது நண்பர் இது குறித்து காவல்துறையில் புகார் அளித்துள்ளார். கடந்த 8 நாட்களாக அனார் காணாமல் போயிருந்த நிலையில், அவர் புதுடெல்லிக்கு சென்றுவிட்டதாக அவரின் குடும்ப உறுப்பினர்களுக்கு அவரின் தொலைபேசியிலிருந்து குறுஞ்செய்திகள் அனுப்பப்பட்டுள்ளது. ஆயினும் அவரைப் பற்றிய எந்த தகவலும் கிடைக்கவில்லை.