தாமஸ் மற்றும் உபேர் கோப்பைக்கான பேட்மிண்டன் போட்டி தாய்லாந்து தலைநகர் பாங்காக்கில் நடந்து வருகிறது.
ஆண்களுக்கான தாமஸ் கோப்பை போட்டியில் டென்மார்க் அணிக்கு எதிராக நேற்று நடைபெற்ற அரையிறுதி ஆட்டத்தில் 3-2 என்ற கணக்கில் இந்திய அணி வெற்றி பெற்றது.
இதன் மூலம், 73 ஆண்டுகால தாமஸ் கோப்பை பேட்மிண்டன் வரலாற்றில் முதல் முறையாக இறுதி சுற்றுக்கு முன்னேறி இருக்கிறது இந்திய ஆண்கள் அணி.
காலிறுதி ஆட்டத்தில் 3-2 என்ற கணக்கில் மலேசியாவை வீழ்த்தி 1979 ம் ஆண்டுக்குப் பிறகு 43 ஆண்டுகள் கழித்து அரையிறுதிக்கு முன்னேறியது இந்தியா.
குறைந்தபட்சம் வெண்கலப்பதக்கம் உறுதி என்ற நிலையில் அரையிறுதியில் விளாயாடிய இந்தியா இப்போது இறுதிப் போட்டிக்கு முன்னேறியுள்ளதால் தங்கம் அல்லது வெள்ளிப்பதக்கம் வெல்லும் வாய்ப்பு உள்ளது.