சென்னை
சென்னை மாநகராட்சி சுயேச்சை கவுன்சிலர் ராஜன் பர்னபாஸ் காங்கிரஸில் சேர்ந்துள்ளார்.
சென்னை மாநகராட்சி தேர்தல் கடந்த மாதம் 19 ஆம் தேதி நடந்தது. இதில் திமுக அதிக இடங்களைக் கைப்பற்றி அக்கட்சியின் உறுப்பினர் மேயர் பதவியில் அமர்ந்துள்ளார். திமுகவின் பிரதான கூட்டணிக் கட்சியாக காங்கிரஸ் கட்சி உள்ளது. ,
இந்த தேர்தலில் செனை மாநகராட்சியின் 23 ஆம் வார்டில் சுயச்சையாக ராஜன் பார்னபாஸ் என்பவர் போட்டியிட்டு வெற்றி பெற்றுள்ளார். அவரை எதிர்த்துப் போட்டியிட்ட மனித நேய மக்கள் கட்சி வேட்பாளர் ஷேக் முகமது அலி தோல்வியை தழுவினார்.
இந்த தேர்தலில் ஷேக் முகமது அலி 2,271 வாக்குகள் பெற்ற நிலையில் ராஜன் 3,953 வாக்குகள் பெற்றுள்ளார். இன்று ராஜன் பார்னபாஸ் தம்மைக் காங்கிரஸ் கட்சியில் இணைத்துக் கொண்டுள்ளார். இதனால் மாநகராட்சியில் காங்கிரஸ் பலம் கூடியுள்ளது.