சென்னை: அரசு பள்ளி ஆசிரியர்களுக்கான பணி மாறுதல் தொடர்பான புதிய கலந்தாய்வு அட்டவணையை பள்ளிக்கல்வித்துறை வெளியிட்டடுள்ளது. அதன்படி கலந்தாய்வு இன்று தொடங்குகிறது.
ஆசிரியர்களுக்கான பணி மாறுதல் கலந்தாய்வு தேதிகள் ஏற்கனவே அறிவிக்கப்பட்ட நிலையில், உயர்நிலை மற்றும் மேல்நிலை பள்ளி ஆசிரியர்களுக்கு நடைபெறுவதாக இருந்த பொது மாறுதல் கலந்தாய்வு மற்றும் பதவி உயர்வு கலந்தாய்வு பல்வேறு காரணங்களால் ஒத்திவைக்கப்படுவதாக அறிவித்திருந்தது.
இந்த நிலையில், 2021-22-ஆம் கல்வியாண்டிற்கான பொது மாறுதல் மற்றும் பதவி உயர்விற்கான திருத்திய கலந்தாய்வு அட்டவணை வெளியாகியுள்ளது. அதன்படி கலந்தாய்வு இன்று தொடங்குகிறது.
இதுதொடர்பாக பள்ளிக்கல்வித்துறை வெளியிட்டுள்ள அட்டவணையில், 04-03-2022 முதல் வரும் 16-ம் தேதி வரை கலந்தாய்வு நடைபெறும் என்று தெரிவிக்கப்பட்டுள்ளது.
அரசு, நகராட்சி முதுகலை ஆசிரியர்கள், கணினி ஆசிரியர்கள் நிலை -1, உடற்பயிற்சி இயக்குநர் நிலை-1, தொழிற்கல்வி ஆசிரியர்கள் உள்ளிட்ட பதவிகளுக்கு மாறுதல் கலந்தாய்வு இன்று மற்றும் நாளையும் நடைபெறுகிறது. முழு விவரம் கீழே உள்ள அட்டவணையில் தரப்பட்டுள்ளது.