தமிழ் சினிமாவில் தன்னை இசையமைப்பாளராக அறிமுகப்படுத்திய வசந்தபாலன் இயக்கத்தில் தற்போது `ஜெயில்’ என்ற படத்தில் நடித்து முடித்துள்ளார் ஜிவி பிரகாஷ் குமார்.
ஜிவி பிரகாஷ் நாயகனாக நடிக்கும் இந்தப்படத்தில் அபர்ணா தாஸ் அவர் ஜோடியாக நடிக்கிறார். இந்தப்படத்தின் வெளியீட்டு உரிமையை கே.இ.ஞானவேல் ராஜா கைப்பற்றி உள்ளார்.
இந்நிலையில் டிசம்பர் 9ம் தேதி இந்தப் படம் திரையரங்குகளில் ரிலீசாக உள்ளதாக கூறப்பட்டுள்ளது.
அதே போல் ஜிவி பிரகாஷ் நடிப்பில் உருவாகியுள்ள பேச்சுலர் படமும் ரிலீசுக்கு தயாரான நிலையில் டிசம்பர் 3ம் தேதி இந்தப் படம் திரையரங்குகளில் ரிலீசாக உள்ளதாக அண்மையில் அறிவிக்கப்பட்டது.
ஜிவி பிரகாஷின் படங்கள் அடுத்தடுத்து வெளியாக உள்ளதால் ரசிகர்கள் மத்தியில் எதிர்பார்ப்பு ஏற்பட்டுள்ளது.