இரா.சரவணன் இயக்கத்தில் உருவாகி வரும் படத்துக்கு ‘உடன்பிறப்பே’ எனத் தலைப்பிட்டுள்ளனர்.
இந்த படத்தில் சசிகுமார், ஜோதிகா, சமுத்திரக்கனி, சூரி, கலையரசன், நிவேதிதா உள்ளிட்ட பலர் நடிக்கின்றனர்.
சூர்யா தயாரித்து வந்த இந்தப் படத்தின் ஒளிப்பதிவாளராக வேல்ராஜ், இசையமைப்பாளராக இமான் ஆகியோர் பணிபுரிந்து வந்தார்கள். இது ஜோதிகா நடிப்பில் உருவாகியுள்ள 50-வது படமாகும்.
இப்படம் ஆயுதபூஜை தினமான அக்டோபர் 14ஆம் தேதி அமேசான் ஓடிடி தளத்தில் நேரடியாக வெளியாகவுள்ள நிலையில், படத்தின் ட்ரைலர் இன்று வெளியிடப்பட்டுள்ளது. படத்தின் ட்ரைலரை தன்னுடைய சமூக வலைதளப்பக்கத்தின் வாயிலாக வெளியிட்ட நடிகர் சூர்யா, “உடன்பிறந்தவர்கள் மற்றும் அவர்களின் பிரிக்க முடியாத பிணைப்பு பற்றிய கதை. அவர்கள் உங்களை புன்னகைக்க, அழச் செய்ய, அதே நேரத்தில் சிரிக்கவும் வைப்பார்கள்” எனக் குறிப்பிட்டுள்ளார்.