அஜித்தின் வேதாளம் சிரஞ்சீவி நடிப்பில் தெலுங்கில் ரீமேக் செய்யப்படுகிறது. இந்த ரீமேக்கை மெஹர் ரமேஷ் இயக்க, சிரஞ்சீவி நாயகனாக நடிக்கிறார்.
அனில் சுக்ரா – ராம்சரண் – ஏ.எம்.ரத்னம் மூவரும் இணைந்து தயாரிக்கவுள்ளனர்.
வேதாளத்தில் நாயகியைவிட தங்கை கதாபாத்திரம் முக்கியமானது. இந்த கதாபாத்திரத்தில் கீர்த்தி சுரேஷ் நடிக்கிறார். இப்படத்திற்கு ‘போலா ஷங்கர்’ என பெயரிடப்பட்டு உள்ளது.
இந்நிலையில், இப்படத்தில் சிரஞ்சீவிக்கு ஜோடியாக நடிகை தமன்னா நடிக்க உள்ளதாக தகவல் வெளியாகி உள்ளது. விரைவில் இதுகுறித்த அறிவிப்பு வெளியாகும் என எதிர்பார்க்கப்படுகிறது. ஏற்கனவே சிரஞ்சீவியுடன் ‘சைரா நரசிம்மா ரெட்டி’ படத்தில் இணைந்து நடித்திருந்த தமன்னா, தற்போது இரண்டாவது முறையாக அவருடன் கூட்டணி அமைக்க உள்ளார்.
வேதாளம் படம் 2018 இல் வங்க மொழியில் சுல்தான் என்ற பெயரில் ரீமேக் செய்யப்பட்டது. விரைவில் இந்தியிலும் ரீமேக் செய்யப்பட உள்ளது.