தீனா , கஜினி துப்பாக்கி, கத்தி, சர்கார் ஆகிய படங்களை இயக்கி ஹாட்ரிக் ஹிட் கொடுத்ததன் மூலம் நட்சத்திர இயக்குனர் என்ற அந்தஸ்தை பெற்றுள்ளார் ஏ.ஆர்.முருகதாஸ்.
விஜய்யின் 65-வது படத்தை இயக்க உள்ளதாக கூறப்பட்டது. ஆனால் திடீரென அப்படத்தில் இருந்து விலகினார்.
இந்நிலையில் இயக்குனர் ஏ.ஆர்.முருகதாஸ் இயக்கும் அடுத்த படம் குறித்த தகவல் வெளியாகி உள்ளது. அனிமேட்ரானிக்ஸ் தொழில்நுட்பத்தில் அவர் அந்த படத்தை எடுக்கப்போகிறாராம்.
ஜூராசிக் பார்க், தி லயன் கிங் போன்ற ஹாலிவுட் படங்களின் பாணியில் குரங்கை மையமாக வைத்து அவர் ஒரு படத்தை இயக்க உள்ளதாக கூறப்படுகிறது. இந்த படத்தை பிரபல தயாரிப்பு நிறுவனம் பிரம்மாண்ட பட்ஜெட்டில் தயாரிப்பதாகவும் சொல்லப்படுகிறது.