நீண்ட இடைவெளிக்கு பின் இரு படங்களை பாலா இயக்குகிறார். அதில் முதல் படத்தை சூர்யாவின் 2டி என்டர்டெயின்மெண்ட் தயாரிக்கிறது. இதில் அதர்வா ஹீரோவாக நடிக்கிறார் . ஏற்கனவே பாலாவின் பரதேசியில் அதர்வா நடித்துள்ளார் .
நாயகியாக கீர்த்தி சுரேஷ் நடிக்கவுள்ளார் . இந்தப் படத்தில் கீர்த்தி சுரேஷுக்கு எந்த மாதிரியான வேடம் இருக்கும் என்பது கேள்விக்குறியே.
திருச்செந்தூரில் விரைவில் படப்பிடிப்பு நடத்தயிருக்கிறார்களாம். இப்படத்தின் ஆரம்பக்கட்ட பணிகள் விறுவிறுப்பாக நடைபெற்று வருகிறது. ஒளிப்பதிவாளராக சுப்பிரமணியெம்மை ஒப்பந்தம் செய்துள்ளனர்.
இந்நிலையில், இப்படம் குறித்த புதிய தகவல் வெளியாகி உள்ளது. அதன்படி இப்படத்திற்கு யுவன் சங்கர் ராஜா இசையமைக்க உள்ளதாக கூறப்படுகிறது. ஏற்கனவே பாலா இயக்கிய நந்தா, அவன் இவன் ஆகிய படங்களுக்கு இசையமைத்துள்ள யுவன் சங்கர் ராஜா, தற்போது மூன்றாவது முறையாக அவருடன் கூட்டணி அமைக்க உள்ளார்.