கோப்ரா மற்றும் பொன்னியின் செல்வன் ஆகிய இரண்டு படங்களில் கவனம் செலுத்தி வரும் சியான் விக்ரம் அடுத்ததாக இயக்குனர் கார்த்திக் சுப்புராஜுடன் சியான் 60 படத்தில் இணைகிறார்.
சியான் விக்ரமுடன் முதல் முறையாக துருவ் விக்ரமும் இணைந்து நடிக்கவுள்ளார்.
இத்திரைப்படத்தில் நாயகியாக நடிக்க நடிகை வாணிபோஜன் ஒப்பந்தம் செய்யப்பட்டுள்ள நிலையில் அவர் துருவ் விக்ரமுக்கு ஜோடியாக நடிப்பார் என தெரிகிறது. விக்ரமுக்கு ஜோடியாக நடிகை சிம்ரன் ஒப்பந்தம் செய்யப்பட்டிருப்பதாகவும் தகவல் வெளியாகியுள்ளது. மேலும் நடிகர் பாபி சிம்ஹா இணைந்துள்ளார்
இந்த படத்தை லலித் குமார் தயாரிக்கிறார். ஸ்ரேயாஸ் கிருஷ்ணா ஒளிப்பதிவு செய்கிறார். இப்படத்திற்கு சந்தோஷ் நாராயணன் இசையமைக்கிறார்.
தற்போது இறுதிக்கட்டப் பணிகளுக்காக படக்குழு ஆயத்தமாகிவரும் நிலையில், படத்தின் ஃபர்ஸ்ட் லுக் போஸ்டர் ஆகஸ்ட் 20ஆம் தேதி வெளியிடப்படவுள்ளதாக சில தினங்களுக்கு முன் படக்குழு அறிவிப்பு வெளியிட்டது. அதன்படி, ”மகான்” என தலைப்பு வைக்கப்பட்டுள்ள இப்படத்தின் ஃபர்ஸ்ட் லுக் போஸ்டர் தற்போது வெளியாகியுள்ளது.