மறைந்த நகைச்சுவை நடிகர் விவேக்கின் கடைசி நிகழ்ச்சி, ஓடிடி தளத்தில் வெளியாகவிருக்கிறது.
கடந்த ஏப்ரல் 17-ம் தேதி மாரடைப்பு காரணமாக திடீரென மரணமடைந்தார். இது திரைப்பிரபலங்கள் மத்தியிலும், ரசிகர்கள் மத்தியிலும் பெரும் துக்கத்தை ஏற்படுத்தியது.
விவேக்கின் நடிப்பில் அரண்மனை 3 மற்றும் யாதும் ஊரே யாவரும் கேளிர் ஆகிய படங்கள் வெளியாக இருக்கிறது. தவிர, மிர்ச்சி சிவாவுடன் அவர் தொகுத்து வழங்கிய ’LOL: எங்க சிரி பாப்போம்’ எனும் காமெடி ரியாலிட்டி ஷோ அமேசான் ஓடிடி தளத்தில் ஒளிபரப்பாக உள்ளது.
சிரிக்காமல் இருக்க வேண்டும் என்பது தான் இந்நிகழ்ச்சியின் டாஸ்க். 6 எபிசோடுகளாக ஒளிபரப்பாகவுள்ள இந்த காமெடி ரியாலிட்டி சீரிஸ் வரும் ஆகஸ்டு 27-ஆம் தேதியில் இருந்து ஒளிபரப்பாகிறது.
இந்த நிகழ்ச்சியின் ப்ரோமோ வெளியாகியுள்ளது. நடிகர்கள் பிரேம்ஜி, சதிஷ், பவர்ஸ்டார் சீனிவாசன், டிவி பிரபலம் புகழ், நடிகை ஆர்த்தி உள்ளிட்ட முன்னணி பிரபலங்கள் இதில் கலந்துக் கொண்டுள்ளார்கள்.
இந்நிலையில் இந்த நிகழ்ச்சி குறித்து நடிகர் சூர்யா தனது ட்விட்டர் பக்கத்தில் பதிவு ஒன்றை பகிர்ந்துள்ளார். அதில், நம்மை சிரிக்க வைத்த சமூக பொறுப்புள்ள முற்போக்கு சிந்தனைகளை விதைத்த விவேக் சாரின் கடைசி நிகழ்ச்சி. அவர் என்றென்றும் நம் இதயங்களில் வாழ்வார். அவரின் இந்த நிகழ்ச்சியை பகிர்ந்து கொள்வது ஒரு கெளரவம் என குறிப்பிட்டுள்ளார் நடிகர் சூர்யா.
He will live forever in our hearts.. It's an honour to share @actor_vivek sir's last work who made us laugh and also passed on socially responsible n progressive thoughts! pic.twitter.com/vz1VVoDHqP
— Suriya Sivakumar (@Suriya_offl) August 13, 2021