பா.இரஞ்சித் இயக்கத்தில் ஆர்யா, பசுபதி, கலையரசன், ஜான் கொக்கென், துஷாரா உள்ளிட்ட பலர் நடிப்பில் வெளியான படம் ‘சார்பட்டா பரம்பரை’.
அமேசான் ஓடிடியில் வெளியான இந்தப் படத்தை விமர்சகர்கள் பாராட்டினார்கள்.
பல்வேறு திரையுலக பிரபலங்களும் ‘சார்பட்டா பரம்பரை’ படத்தைப் பார்த்துவிட்டு படக்குழுவினருக்குத் தங்களுடைய வாழ்த்துகளைத் தெரிவித்தனர். தற்போது கமலும் படக்குழுவினரைப் பாராட்டியுள்ளனர்.
“‘சார்பட்டா’ படத்தில் வரும் அந்த உலகத்தை நான் நேரடியாகப் பார்த்திருக்கிறேன், எனக்குத் தெரிந்தவர்கள் என் நண்பர்கள் பலர் பாக்சர்களாக இருந்திருக்கிறார்கள். எனக்குப் படம் பார்க்கும்பொழுது அந்த காலகட்டத்தை நேரடியாகப் பார்ப்பதைப்போல இருந்தது” என கூறினார்.