சென்னை
மேடை இசைக்கலைஞரும் திரைப்பட பாடகருமான கோமகன் கொரோனாவால் மரணம் அடைந்தார்.
கொரோனா பாதிப்பால் நாடெங்கும் பல பிரபலங்கள் உயிர் இழந்துள்ளனர். இவர்களில் பலர் திரையுலகம், அரசியல் என பலவேறு துறைகளில் புகழ் பெற்றவர்கள் ஆவார்கள். குறிப்பாக சமீபத்தில் எஸ் பி பாலசுப்ரமணியம், கேவி ஆனந்த், தாமிரா உள்ளிட்ட பலர் கொரோனாவுக்கு பலி ஆகி உள்ளனர்.
இன்று பிரபல திரைப்பட பாடகரும் மேடை இசைக்கலைஞருமான கோமகன் கொரோனாவால் உயிர் இழந்துள்ளார். இவர் சேரனின் புகழ்பெற்ற படமான ஆட்டோகிராப் படத்தில் வரும் ஒவ்வொரு பூக்களுமே என்னும் பாடலின் இடையில் ஒரு சில தன்னம்பிக்கை வரிகளைப் பாடி மக்கள் மனத்தில் இடம் பிடித்தவர் ஆவார்.
இவர் ஒரு சில திரைப்படங்களுக்கு இசை அமைத்துள்ளார். இவர் பார்வை திறன் அற்றவர் ஆவார். இவருக்குச் சமீபத்தில் கொரோனா பாதிப்பு ஏற்பட்டு இன்று அவர் உயிர் இழந்துள்ளார். இவருடைய மறைவு இசை மற்றும் திரைப்பட உலகில் மிகவும் அதிர்ச்சியை ஏற்படுத்தி உள்ளது.