கடந்தமுறை வாஷ்அவுட் – இந்தமுறை திருப்பியடித்த திமுக!

கடந்த 2016 சட்டமன்ற தேர்தலில், ராமநாதபுரம், தேனி, அரியலூர், பெரம்பலுர், கரூர் ஆகிய மாவட்டங்களில், திமுக கூட்டணியை வாஷ்அவுட் செய்திருந்தது அதிமுக.

ஆனால், அதற்கு பதிலடியாக, இந்தமுறை மேற்கண்ட மாவட்டங்களில் பதிலடி கொடுத்துள்ளது திமுக கூட்டணி.

ராமநாதபுரம்(4 தொகுதிகள்), கரூர்(4 தொகுதிகள்), அரியலூர்(2 தொகுதிகள்), பெரம்பலூர்(2 தொகுதிகள்) ஆகியவற்றில், அதிமுகவை வாஷ்அவுட் செய்துள்ளது திமுக கூட்டணி. தேனி மாவட்டத்தில் உள்ள 4 தொகுதிகளில் போடியில் மட்டும் தோற்ற திமுக, மற்ற மூன்றிலும் வென்றுள்ளது.

இந்தமுறை கோயம்புத்தூர் மற்றும் தருமபுரி மாவட்டங்களில் வாஷ்அவுட் ஆன திமுக, பதிலுக்கு, புதிதாக சென்னை, திருவள்ளூர், காஞ்சிபுரம், திருச்சி உள்ளிட்ட மாவட்டங்களில் அதிமுக கூட்டணியை வாஷ்அவுட் செய்துள்ளது.