மும்பை
மேற்கு வங்க மாநிலத்தில் திருணாமுல் காங்கிரஸ் முன்னணியில் உள்ள நிலையில், சிவசேனா கட்சி பாராட்டு தெரிவித்துள்ளது.
மேற்கு வங்க மாநிலத்தில் தற்போதைய நிலவரப்படி திருணாமுல் காங்கிரஸ் 207 இடங்களில் முன்னிலையில் உள்ளது. பாஜக 78 இடங்களில் மட்டுமே முன்னிலையில் உள்ளது. இம்மாநிலத்தில் தேர்தல் பிரசாரத்துக்கு பிரதமர் மோடி, அமித் ஷா உள்ளிட்ட பல பாஜகவினர் முகாமிட்டும் பாஜக வெற்றியை அடையவில்லை.
இதுவரை நந்திகிராம் தொகுதியில் பின்னணியில் இருந்த மம்தா பானர்ஜி தற்போதைய சுற்றில் அதிக வாக்குகள் பெற்று முன்னணியில் உள்ளார். திருணாமுல் கட்சி தொண்டர்கள் இனிப்பு பரிமாறியும் நடனம் ஆடியும் வெற்றியை கொண்டாடினர்.
இந்நிலையில் சிவசேனா கட்சி எம் பி சஞ்சய் ரவுத், ”மோடி மற்றும் அமித்ஷா யாராலும் வெல்ல முடியாதவர்கள் என்பது தவறு என மம்தா பானர்ஜி தெளிவாக அறிவித்துள்ளார். அவர்களும் மம்தாவால் தோற்கடிக்கப்பட்டுள்ளனர்” என மம்தாவுக்கு பாராட்டு தெரிவித்துள்ளார்.