செல்வராகவன் இயக்கிய ’நெஞ்சம் மறப்பதில்லை’ திரைப்படம் இரு தினங்களுக்கு முன் வெளியானது. அதில் சைக்கோ கொலைகாரன் ஆக எஸ்.ஜே.சூர்யா நடித்திருந்தார். அவர் புகைப்படத்தில் ராமசாமி என்று பெயரிடப் பட்டிருந்தது.
இதற்கிடையே சமீபத்தில் செல்வராகவன் பங்கேற்ற நேர்காணல் ஒன்றில் நீங்கள் ராமசாமி என்று ஒரு தனி நபரை குறிப்பிட்டு தானே பெயர் வைத்திருக்கிறீர்கள் என்று கேள்விக்கு செல்வராகவன் ஆம் என்று பதில் அளித்திருந்தார். இது தற்போது சர்ச்சையை கிளப்பியுள்ளது .
இந்நிலையில் தற்போது செல்வராகவன் விளக்கத்தை ட்விட்டரில் தெரிவித்திருக்கிறார். நெறியாளர் கேட்ட கேள்வி புரியாமல் ஆம் என்று சொல்லி விட்டதாகவும் கவனமாக இருந்திருக்க வேண்டும் என்றும் அதில் குறிப்பிட்டு, மன்னிப்பு கோரியுள்ளார்.
நண்பர்களே ! அந்த நேர் காணலில் அவர் கேட்ட கேள்வி எனக்கு புரியவில்லை. இங்கு நீங்கள் சுட்டிக் காட்டிய பின்புதான் புரிகின்றது. கவனமாக இருந்திருக்க வேண்டும். மன்னிக்கவும்.
— selvaraghavan (@selvaraghavan) March 9, 2021