சோனியாகாந்தியின் 74வது பிறந்தநாள்:  பிரதமர் மோடி வாழ்த்து

சோனியாகாந்தியின்  பிறந்தநாள் இன்று காங்கிரஸ் கட்சியினர் சார்பில் கொண்டாடப்பட்டு வருகிறது. உடல்நலப் பாதிப்பு காரணமாக கோவாவில் ஓய்வு எடுத்து வரும் சோனியாகாந்தி, கொரோனா அச்சுறுத்தல் காரணமாக தனது பிறந்தநாள் கொண்டாட்டத்தை தவிர்த்து உள்ளார். இருந்தாலும், காங்கிரஸ் கட்சியின் மூத்த தலைவர்கள்,  தொண்டர்கள் என அனைத்து தரப்பினரும் வாழ்த்து தெரிவித்து வருகின்றனர். எதிர்க்கட்சித் தலைவர்களுக்கும் அவருக்கு சமூக வலைதளம் மூலம் வாழ்த்துக்களை தெரிவித்து வருகின்றனர்.

இந்த நிலையில், பிரதமர், மோடி டிவிட்டரில் சோனியாவுக்கு பிறந்த நாள் வாழ்த்துது தெரிவித்துள்ளார். அதில், பிறந்தநாள் வாழ்த்துக்கள்  சோனியா ஜி, நல்ல ஆரோக்கியத்துடன், நீண்ட நாட்கள் வாழ்வதற்கு அவரை கடவுள் ஆசிர்வதிக்கட்டும் என தெரிவித்து உள்ளார்.

மத்திய அமைச்சர் நிதின் கட்காரி வெளியிட்ட டிவிட்டர் பதிவில், காங்கிரஸ் தலைவர் சோனியாவுக்கு பிறந்த நாள் வாழ்த்துகள், நல்ல ஆரோக்கியம் மற்றும் நீண்ட ஆயுளுடன் வாழ நீங்கள் ஆசிர்வதிக்கப்படுவீர்கள்.

இவ்வாறு அவர் பதிவிட்டுள்ளார்.