சென்னை: முன்னாள் பிரதமர் மன்மோகன் சிங்குக்கு, திமுக தலைவர் மு.க.ஸ்டாலின் வாழ்த்து தெரிவித்துள்ளார்.
இந்தியாவின் முன்னாள் பிரதமரும், காங்கிரஸ் கட்சியின் மூத்த தலைவர்களில் ஒருவருமான மன்மோகன் சிங்கின் 88-வது பிறந்த நாள் இன்று காங்கிரஸ் கட்சியினரால் கொண்டாடப்பட்டு வருகிறது. அவருக்கு பிரதமர் மோடி, ராகுல்காந்தி உள்பட பல்வேறு அரசியல் தலைவர்கள் வாழ்த்து தெரிவித்து வருகின்றனர்.
இந்த நிலையில், திமுக தலைவர் மு.க.ஸ்டாலின் மன்மோகன் சிங்குக்கு வாழ்த்து தெரிவித்து உள்ளார்.
இதுதொடர்பாக அவர் வெளியிட்டுள்ள வாழ்த்துச் செய்தியில், டாக்டர் மன்மோகன் சிங்குக்கு பிறந்த நாள் வாழ்த்துக்கள். இந்தியாவின் உலகளாவிய முக்கியத்துவத்தை நிலைநிறுத்துவதில் அவரது தொலைநோக்குத் தலைமை மற்றும் எதிர்காலக் கருத்துக்கள் முக்கிய கருவியாக இருந்தன. எங்கள் மக்களுக்கு நீங்கள் தொடர்ந்து செய்த சேவைக்கு நன்றி. உங்களுக்கு நல்ல ஆரோக்கியத்தையும் மகிழ்ச்சியையும் தர வாழ்த்துகிறேன்.
இவ்வாறு அதில் குறிப்பிட்டுள்ளார்.