கொரோனா பேயாட்டம்: உலகளவில் பலி எண்ணிக்கை 2,11,631 ஆக உயர்வு…

ஜெனிவா:

சீனாவில் இருந்து பரவிய கொரோனா வைரஸ் உலகில் 210க்கும் மேற்பட்ட நாடுகளில் பேயாட்டம் ஆடி வருகிறது.  இந்த வைரஸ் பாதிப்புக்கு இதுவரை 30லட்சத்து 65ஆயிரத்து 176 பேர் பாதிக்கப்பட்டுள்ள நிலையில், பலி எண்ணிக்கை 2லட்சத்து 11 ஆயிரத்து 631 ஆக உயர்ந்துள்ளது. அதே வேளையில் குணமானோர் எண்ணிக்கை 9லட்சத்து 22 ஆயிரத்து 862 ஆகவும் அதிகரித்து உள்ளது.

உலக வல்லரசான அமெரிக்கா கொரோனா பாதிப்பால் கடுமையாக பாதிக்கப்பட்டு உள்ளது.  கொரோனா பாதிப்பில் முதலிடம் வகிக்கிறது. அங்கு இதுவரை 10லட்சத்துக்கும் அதிகமானோர் பாதிக்கப்பட்டுள்ளனர்.  ஆனால், பலி எண்ணிக்கையோ கடுமையாக உயர்ந்து உள்ளது. அங்கு இதுவரை 56ஆயிரத்து 803 பேர் பலியாகி உள்ளனர். இதுவரை குணமானோர் எண்ணிக்கை 1லட்சத்து 39ஆயிரத்து 162 ஆக உயர்ந்துள்ளது.