மக்களவை எதிர்க்கட்சித் தலைவர் ராகுல் காந்தி, பல்வேறு மாநிலங்களில் வாக்காளர் பட்டியலில் உள்ள முறைகேடுகள் குறித்து அவையில் கேள்வி எழுப்பி, அது குறித்து விவாதிக்க வேண்டும் என்று கோரினார்.
மகாராஷ்டிரா மற்றும் வேறு சில மாநிலங்களில் வாக்காளர் பட்டியல்கள் குறித்து கேள்விகள் எழுப்பப்பட்டுள்ளதாக அவையில் பூஜ்ஜிய நேரத்தில் ராகுல் காந்தி கூறினார்.
“நாடு முழுவதும் வாக்காளர் பட்டியல் குறித்து கேள்விகள் எழுப்பப்படுகின்றன அனைத்து எதிர்க்கட்சிகளும் வாக்காளர் பட்டியல் குறித்து விவாதம் நடத்த வேண்டும் என்று கோருகிறது” என்று ராகுல் காந்தி குறிப்பிட்டார்.
முன்னதாக, திரிணாமுல் காங்கிரஸ் உறுப்பினர் சவுகதா ராய், தனது கட்சித் தலைவரும் மேற்கு வங்க முதல்வருமான மம்தா பானர்ஜி, வாக்காளர் அடையாள அட்டை எண்கள் நகலெடுக்கப்படுவதைக் காட்டும் ஆவணங்களைக் காட்டியதாகக் கூறினார்.
மகாராஷ்டிரா மற்றும் ஹரியானாவில் ஏற்கனவே இதுபோன்ற சம்பவம் தொடர்பாக விவாதம் நடைபெற்று வருகிறது.
மேற்கு வங்கம் மற்றும் அசாமில் எதிர்காலத்தில் இதுபோன்ற சம்பவங்கள் நிகழக்கூடும் என்று திரிணாமுல் காங்கிரஸ் உறுப்பினர் அச்சம் தெரிவித்தார்.
“முழு வாக்காளர் பட்டியலிலும் விரிவான மறுசீரமைப்பு இருக்க வேண்டும். இது எப்படி நடந்தது என்பதை தேர்தல் ஆணையம் விளக்க வேண்டும்” என்று ராய் வலியுறுத்தினார்.
