உடல்நிலை பாதிக்கப்பட்டிருந்த இயக்குநர் எஸ்.பி.ஜனநாதன் உயிரிழந்தார். அவருக்கு வயது 61. அவருக்கு மூளைச்சாவு ஏற்பட்டதாக மருத்துவர்கள் தெரிவித்தனர். அவருக்கு திரையுலகினரும் ரசிகர்களும் தங்களது இரங்கலை தெரிவித்து வருகின்றனர்.
கடந்த 2003-ம் ஆண்டு வெளியான படம் ’இயற்கை’ படத்தின் மூலம் இயக்குநராக அறிமுகமாகி அதற்காக தேசிய விருதும் பெற்றவர். அதைத் தொடர்ந்து ’ஈ’, ’பேராண்மை’, ’புறம்போக்கு என்கிற பொதுவுடைமை’ என பல்வேறு சமூக பிரச்னைகளை மையப்படுத்திய படங்களை இயக்கினார்.
இதையடுத்து மார்ச் 15-ம் தேதி திங்களன்று சென்னை மயிலாப்பூரில் இறுதிச்சடங்கு நடைபெற்றது. பின்பு மயிலாப்பூர் மின் மயானத்தில் ஜனநாதனின் உடல் தகனம் செய்யப்பட்டது.
இந்நிலையில் ஜனநாதன் மருத்துவமனையில் அனுமதிக்கப்பட்டது முதல் அவருக்கான மருத்துவ செலவுகள் அனைத்தையும் நடிகர் விஜய் சேதுபதி செலுத்தியுள்ளது தெரிய வந்துள்ளது.