வேளாங்கண்ணி கோயில் திருவிழா: சிறப்பு ரயில்களை இயக்குகிறது தெற்கு ரயில்வே

சென்னை: வேளாங்கண்ணி கோவில் திருவிழா  இந்த மாதம் இறுதியில் தொடங்க உள்ள நிலையில், தெற்க சிறப்பு ரயில்களை அறிவித்து உள்ளது. இந்த ரயில்களில் இன்றுமுதன் முன்பதிவு தொடங்கி உள்ளது. வேளாங்கண்ணி கோயில் திருவிழாவையொட்டி  பக்தர்களின் வசதிக்காக   இரண்டு சிறப்பு ரயில் சேவையானது அறிவிக்கப்பட்டுள்ளது.இந்த ரயிலுக்கான முன்பதிவு இன்று  தொடங்குகிறது

புகழ்பெற்ற நாகப்பட்டிணம் வேளாங்கண்ணி கோயில் திருவிழா கொடியேற்றம் இந்த மாதம் இறுதியில் தொடங்குகிறது. இந்த விழாவில் கலந்து கொள்ள பல்வேறு மாநிலங்களில் இருந்தும் ஏராளமான மக்கள் வருவார்கள். இதனை கருத்தில் கொண்டு தெற்கு ரயில்வே சிறப்பு ரயில்களை அறிவித்துள்ளது.

அதன்படி,  ஆகஸ்ட் மாதம் 27 மற்றும் செப்டம்பர் 6 ஆம் தேதி 2 ரயில்களை வேளாங்கண்ணிக்கு இயக்கப்படுவதாக அறிவிக்கப்பட்டுள்ளது.

இது தொடர்பாக ரயில்வே துறை வெளியிட்டுள்ள அறிவிப்பில் பாந்திரா ரயில் நிலையத்திலிருந்து வேளாங்கண்ணிக்கு ரயில் இயக்கப்படுவதாக தெரிவிக்கப்பட்டுள்ளது. பாந்திரா ரயில் நிலையத்தில் ( ரயில் எண் 09093 ) 27ஆம் தேதி இரவு 9 மணி 55 நிமிடங்களுக்கு புறப்படும் ரயிலானது பூனே, ரேணிகுண்டா, காட்பாடி, திருவண்ணாமலை, விழுப்புரம், சிதம்பரம், திருவாரூர், நாகப்பட்டினம் வழியாக வேளாங்கண்ணியை வந்தடைகிறது.

இதே போல வேளாங்கண்ணியில் (ரயில் எண் 09094) இருந்து ஆகஸ்ட் மாதம் 29ஆம் தேதியும் செப்டம்பர் மாதம் 9 தேதியும் ரயில் இயக்கப்படுகிறது. ஆகஸ்ட் 29ஆம் தேதி மதியம் 1 .55மணி அளவில் வேளாங்கண்ணியில் இருந்து ரயில் புறப்படுவதாக அறிவிக்கப்பட்டுள்ளது.

இந்த ரயிலில் இரண்டாம் வகுப்பு ஏசி ஒரு பெட்டியும், மூன்றாம் வகுப்பு ஏசி 10 பெட்டிகளும், முன்பதிவு செய்யப்பட்ட பெட்டி ஏழும், முன்பதிவு செய்யப்படாத பெட்டி இரண்டும் இணைக்கப்படும் என தெரிவிக்கப்பட்டுள்ளது. இந்த ரயிலுக்கான முன்பதிவு ஆகஸ்ட் 9ஆம் தேதி காலை 8 மணிக்கு தொடங்கும் என அறிவிக்கப்பட்டுள்ளது