சீமானை வென்ற வீரலட்சுமி?

சமீபத்திய சட்டப் பேரவைத் தேர்தலில் பல்லாவரம் தொகுதியில் ம.ந.கூட்டணி சார்பாக ம.தி.மு.க.வின் பம்பரம் சின்னத்தில் போட்டியிட்டவர், கி. வீரலட்சுமி.
முகநூலில் அதி தீவிரமான கருத்துக்களை கொட்டி வருபவர் இவர். சிம்புவின் பீப் பாடலுக்கு ஆதரவு தெரிவித்தும் பரபரப்பைக் கிளப்பியவர்.  .
மூன்று மாதங்களுக்கு முன்புவரை, வைகோ விஜயகாந்த் உட்பட பலரையும் “தெலுங்கு வந்தேறிகள்.. “ என்று கடுமையாக விமரசித்தவர் இவர். இடையில் என்ன நடந்ததோ.. இவரைப்பிடித்துக்கொண்டுபோய், விஜயகாந்த் முன்னிலையில் நிறுத்தினார் வைகோ. அதோடு, தனது கட்சி சார்பாகவே பல்லாவரத்தில் வீரலட்சுமியை நிறுத்தினார்.
“தமிழ், தமிழர்” என்று அதுவரை முழங்கிவந்த வீரலட்சுமி, “திராவிடம், திராவிடர்” என்று குரல் கொடுக்க ஆரம்பித்தார்.
இந்த நிலையில் நாம் தமிழர் கட்சியைச சேர்ந்தவர்கள், வீரலட்சுமியை கடுமையாக விமர்சிக்க ஆரம்பித்தார்கள். “பல்லாவரம் தொகுதியில் வீரலட்சுமி பத்து ஓட்டுகூட வாங்க மாட்டார்” என்று முகநூல் உட்பட வலைதளங்களில் எழுதி வந்தனர்.