சென்னை: நகர்ப்புற உள்ளாட்சி தேர்தலில் திமுக சார்பில் போட்டியிடும் வேட்பாளர்கள் பட்டியலை திமுக தலைமை வெளியிட்டு உள்ளது. ஏற்கனவே 5 கட்ட கட்ட வேட்பாளர்கள் பட்டியல் வெளியிடப்பட்டுள்ள நிலையில், தற்போது 6, 7 மற்றும் 8வது பட்டியல் வெளியிடப்பட்டு உள்ளது.
தமிழ்நாட்டில் மாநகராட்சி, நகராட்சி, பேரூராட்சிகளுக்கான நகர்ப்புற உள்ளாட்சித் தேர்தல் பிப்ரவரி மாதம் 19ம் தேதி நடைபெறுகிறது. பிப்ரவரி 22ந்தேதி வாக்கு எண்ணிக்கை நடைபெற உள்ளது. தேர்தல் அறிவிப்பைத் தொடர்ந்து, வேட்புமனு தாக்கல் ஜனவரி 28ந்தேதி தொடங்கியது. வேட்பு மனுத்தாக்கல் செய்ய பிப்ரவரி 4ந்தேதி கடைசி நாள். இதையொட்டி அரசியல் கட்சிகள் வேட்பாளர்கள் பட்டியலை வெளியிடுவதில் தீவிரம் காட்டி வருகின்றன. அதைத்தொடர்ந்து வேட்புமனுத்தாக்கலும் விறுவிறுப்படைந்துள்ளது.
இந்த நிலையில், திமுக சார்பில், “மாவட்ட வாரியாக கழகத்தின் சார்பாக போட்டியிடும் மாநகராட்சி – நகராட்சி – பேரூராட்சி மன்ற உறுப்பினர்கள் வேட்பாளர் 6, 7 மற்றும் 8வது பட்டியல்” வெளியிடப்பட்டுஉள்ளது. இதை திமுக தலைமைக் கழகம் வெளியிட்டுள்ளது.
நன்றி: முரசொலி