அமெரிக்க அதிபர் டிரம்ப் தெரிவித்துள்ள அமைதித் திட்டத்திற்கு ரஷ்ய அதிபர் புடின் ஆதரவு தெரிவித்துள்ளார்.
அதேவேளையில், இந்த திட்டத்தை உக்ரைன் ஏற்க மறுத்தால் மேலும் பல பிரதேசங்களை அது இழக்க நேரிடும் என்றும் எச்சரித்துள்ளார்.
உக்ரைனில் போரை முடிவுக்குக் கொண்டுவருவதற்கான அமெரிக்க முன்மொழிவை மாஸ்கோ பெற்றுள்ளதாக ரஷ்ய ஜனாதிபதி விளாடிமிர் புடின் வெள்ளிக்கிழமை உறுதிப்படுத்தினார்.
இந்த திட்டம் பேச்சுவார்த்தை மூலம் தீர்வு காண அடித்தளமாக செயல்படக்கூடும் என்று அவர் கருத்து தெரிவித்துள்ளார்.
மேலும் இதுவே அமைதிக்கான இறுதித் தீர்வாகப் பயன்படுத்தலாம் என்றும் கூறியுள்ளார்.
இந்த திட்டம் குறித்த அறிக்கையின்படி, கிரிமியா மற்றும் கிழக்கில் உள்ள பெரிய பகுதிகள், சர்வதேச அளவில் உக்ரேனிய பகுதிகளாக அங்கீகரிக்கப்பட்ட பிரதேசங்களின் கட்டுப்பாட்டு, இனி ரஷ்யா வசம் செல்லும். தவிர உக்ரைன் கட்டுப்பாட்டில் உள்ள டொனெட்ஸ்கின் சில பகுதிகளிலிருந்து உக்ரைன் விலக வேண்டும் என்று கூறப்பட்டுள்ளதாகத் தெரிகிறது.
இந்த வரைவு உக்ரைனின் இராணுவத்தில் குறிப்பிடத்தக்க குறைப்புகளையும் அமெரிக்க பாதுகாப்பு உதவியைக் குறைக்கவும் அழைப்பு விடுக்கிறது, ஆனால் இந்த நிபந்தனைகளை ஏற்றுக்கொள்ள உக்ரைன் மறுப்பதாகத் தெரிகிறது.
இதுகுறித்து கருத்து தெரிவித்த புடின், உக்ரைனும் அதன் ஐரோப்பிய கூட்டாளிகளும் போர்க்களத்தில் உள்ள நிலைமை குறித்து “இன்னும் மாயைகளில்” இருப்பதாகக் கூறினார்.
இருப்பினும், வாஷிங்டனும் மாஸ்கோவும் இந்த முன்மொழிவு குறித்து இன்னும் விரிவான பேச்சுவார்த்தைகளை நடத்தவில்லை என்று அவர் குறிப்பிட்டார்.
ஒருவேளை இந்த ஒப்பந்தத்தை ஏற்க உக்ரைன் மறுத்தால், ரஷ்ய துருப்புக்கள் தொடர்ந்து முன்னேறும் என்று புடின் எச்சரித்துள்ளார்.
