சென்னை
நாளை த வெ க மாவட்ட செயலாளர்கள் கூட்டம் பனையூரில் நடைபெற உள்ளது.
அண்மையில் தமிழ் திரையுலகின் முன்னணி நடிகரான விஜய், தமிழக வெற்றிக் கழகம் என்ற பெயரில் அரசியல் கட்சியை அண்மையில் தொடங்கினார். ஆகஸ்ட் 27 அன்று விழுப்புரம் மாவட்டம் விக்கிரவாண்டியில் தி பிரமாண்டமாக நடந்த தமிழக வெற்றிக் கழகத்தின் முதல் அரசியல் மாநாட்டில் லட்சக்கணக்கான தொண்டர்கள் பங்கேற்றனர்.
அந்த மாநாட்டில் விஜய்யின் பரபரப்பான பேச்சு தமிழக அரசியல் வட்டாரத்தில் பெரும் அதிர்வலையை ஏற்படுத்தியது. இந்த மாநாட்டை தொடர்ந்து 2026-ம் ஆண்டு சட்டமன்ற தேர்தலை எதிர்கொள்ள தமிழக வெற்றிக்கழகம் தயாராகி வருகிறது. தமிழக வெற்றிக் கழகத்தின் தலைவர் விஜய் தலைமையில் கட்சியின் மாவட்ட செயலாளர்கள் கூட்டம் சென்னை பனையூரில் உள்ள தலைமை அலுவலகத்தில் நாளை) நடைபெற உள்ளது.
மேலும் புதிதாக தேர்வு செய்யப்பட உள்ள மாவட்ட செயலாளர்களுக்கும் பனையூர் அலுவலகத்திற்கு வருமாறு அழைப்பு விடுக்கப்பட்டுள்ளது. வாக்கெடுப்பு முறையில் நாளை அக்கட்சியின் மாவட்ட செயலாளர்கள், அணித் தலைவர்கள் உள்ளிட்டோர் தேர்வு செய்யப்பட உள்ளதாகத் தகவல் வெளியாகியுள்ளது., கூட்டத்தில் கட்சி நலன் சார்ந்து முக்கிய முடிவுகள் எடுக்கப்படலாம் என எதிர்பார்க்கப்படுகிறது.