ஓடுபாதையில் இருந்து பள்ளத்தில் விழுந்த விமானம் : துருக்கியில் பரபரப்பு

.

ட்ராப்சன், துருக்கி

துருக்கியின் ட்ராப்சன் விமான நிலைய ஓடுபாதையில் இருந்து விமானம் ஒன்று விலகி பள்ளத்தில் விழுந்தது

துருக்கி நாட்டின் தலைநகர் அங்காராவிலிருந்து அதே நாட்டின் ட்ராப்சன் விமான நிலையத்தை நோக்கி ஒரு விமானம் சென்றுக் கொண்டிருந்தது.   அந்த விமானத்தில் 162 பயணிகள், இரு விமான ஓட்டிகள், 4 விமான பணியாளர் ஆகியோர் அப்போது பயணம் செய்துக் கொண்டிருந்தர்.

ட்ராப்சன் நகர் விமான நிலையத்தில் தரை இறங்கிய இந்த விமானம்,  ஒடுபாதையில் செல்லும் போது அதில் இருந்து விலகி அருகில் உள்ள பள்ளத்தில் விழுந்தது.   இதில் பயணிகள், விமான ஒட்டிகள், பணியாளர்கள் ஆகியோர்,  எந்த ஒரு அபாயமும் ஏற்படாமல் தப்பித்துள்ளனர்.

விமானம் ஓடு பாதையில் இருந்து விலகி ஓடிய காரணம் இன்னும் தெரியவில்லை.    இது குறித்து விசாரணை நடைபெற்று வருகிறது.