அறிமுக இயக்குனர் டெல்லி பிரசாத் தீனதயாளன் இயக்கத்தில் விஜய் சேதுபதி, ராஷி கண்ணா , பார்த்திபன், மஞ்சிமா மோகன் உள்ளிட்டோர் நடிக்கும் படம் துக்ளக் தர்பார்.
வயாகாம் 18 ஸ்டுடியோஸ் மற்றும் 7 ஸ்க்ரீன் ஸ்டுடியோ இணைந்து தயாரிக்கும் இந்தப் படத்துக்கு நடுவுல கொஞ்சம் பக்கத்த காணோம் பட இயக்குநர் பாலாஜி தரணிதரன் வசனம் எழுதுகிறார். 96 படத்தின் இயக்குநர் பிரேம்குமார் ஒளிப்பதிவு செய்கிறார். கோவிந்த வசந்தா இசையமைக்கிறார்.
முழுக்க அரசியல் பின்னணி கொண்ட படமாக உருவாகியுள்ள இப்படத்தின் டீசர் சில மாதங்களுக்கு முன் வெளியாகி வைரலானது.
‘துக்ளக் தர்பார்’ படத்தின் தொலைக்காட்சி உரிமையை சன் டிவி கைப்பற்றியுள்ளதால், வரும் விநாயகர் சதுர்த்திக்கு இப்படம் நேரடியாகத் தொலைக்காட்சியில் ஒளிபரப்ப உள்ளதாகக் கூறப்படும் நிலையில் இப்படத்தின் ஆடியோ நாளை (ஆகஸ்ட் 18) மாலை 6 மணிக்கு வெளியாகவுள்ளதாக தற்போது அதிகாரப்பூர்வமாக அறிவிக்கப்பட்டுள்ளது.
இந்நிலையில் நேற்று மக்கள் செல்வன் விஜய் சேதுபதியின் துக்ளக் தர்பார் திரைப்படத்தின் பாடல்கள் வெளியானது. “அரசியல் கேடி”, “திராவிடக் கோன்”, “காமி காமி”, “அண்ணாத்த சேதி” என நான்கு பாடல்கள் அடங்கிய ஜூக் பாக்ஸ் வெளியானது. தொடர்ந்து “காமி காமி” ரொமான்டிக் பாடலின் லிரிக்கல் வீடியோவும் வெளியானது.
