ராமநாதபுரம், திருச்சியில் இருந்து தாம்பரம் செல்லும் ரயில்கள் ரத்து

சென்னை

தாம்பரத்துக்கு ராமநாதபுரம்  மற்றும் திருச்சியில் இருந்து வரும் ரயில்களும் மறுமார்க்கமாக இங்கிருந்து கிளம்பும் ரயில்களூம் ரத்து செய்யப்பட்டுள்ளன.

தெற்கு ரயில்வே வெளியிட்டுள்ள செய்திக்குறிப்பில்,

“தாம்பரத்தில் இருந்து வருகிற 26, 28 ஆகிய தேதிகளில் மாலை 5 மணிக்கு புறப்பட்டு ராமநாதபுரம் செல்லும் சிறப்பு ரயிலும் (வண்டி எண் 06103), மறுமார்க்கமாக ராமநாதபுரத்தில் இருந்து வருகிற 27, 29 ஆகிய தேதிகளில் காலை 10.55 மணிக்கு புறப்பட்டு தாம்பரம் செல்லும் சிறப்பு ரயிலும் (06104) ரத்து செய்யப்படுகிறது.

அதேபோல் திருச்சியில் இருந்து வருகிற 27, 28, 29, 31 ஆகிய தேதிகளில் காலை 5.35 மணிக்கு புறப்பட்டு தாம்பரம் செல்லும் அதிவிரைவு சிறப்பு ரயிலும் (06190), மறுமார்க்கமாக தாம்பரத்தில் இருந்து வருகிற 27, 28, 29, 31 ஆகிய தேதிகளில் மாலை 3.30 மணிக்கு புறப்பட்டு திருச்சி வரும் அதிவிரைவு சிறப்பு ரயிலும் (06191) ரத்து செய்யப்படுகிறது.”

என்று தெரிவிக்கப்பட்டுள்ளது.