சென்னை
தெற்கு ரயில்வே நாளை தாம்பரம் – காட்டாங்கொளத்தூர் இடையே சிறப்பு ரயில்கள் இயக்கப்பட உள்ளதாக அறிவித்துள்ளது.
நேற்று தெற்கு ரயில்வே வெளியிட்டுள்ள செய்திக் குறிப்பில்,
”தீபாவளி பண்டிகையை கொண்டாட சொந்த ஊர்களுக்கு சென்று விட்டு சென்னை திரும்பும் பயணிகளின் வசதிக்காக சிறப்பு மின்சார ரயில்கள் இயக்கப்பட உள்ளன.
அதன்படி, காட்டாங்கொளத்தூரில் இருந்து நாளை (திங்கட்கிழமை) அதிகாலை 4, 4.30, 5, 5.45, 6.20 ஆகிய நேரங்களில் தாம்பரத்திற்கு சிறப்பு மின்சார ரயில்கள் இயக்கப்படுகிறது.
இந்த ரெயில் பொத்தேரி, கூடுவாஞ்சேரி, ஊரப்பாக்கம், வண்டலூர் ஆகிய ரயில் நிலையங்களில் நின்று செல்லும்.
மறுமார்க்கமாக தாம்பரத்தில் இருந்து அதிகாலை 5.05 மணி மற்றும் 5.40 மணிக்கு காட்டாங்கொளத்தூருக்கு 2 சிறப்பு மின்சார ரயில்கள் இயக்கப்பட உள்ளன.”
என்று தெரிவித்துள்ளது.