கோவை
இன்று 5 ஆவது வாரமாக கோவையில் ஹேப்பி ஸ்டிரீட் நிகழ்வு நடந்துள்ளது.
சென்னை, கோவை உள்ளிட்ட பெருநகரங்களில் காவல்துறையினர் மற்றும் பொதுமக்களிடையே நல்லுறவை வளர்க்கும் வகையில் ‘ஹேப்பி ஸ்ட்ரீட்’ (மகிழ்ச்சி தெரு) என்ற கொண்டாட்ட நிகழ்ச்சி ஞாயிற்றுக்கிழமைகளில் நடத்தப்பட்டு வருகிறது.
கோவை ஆர்.எஸ்.புரம் பகுதியில் 5 ஆவது வாரமாக இன்று ‘ஹேப்பி ஸ்ட்ரீட்’ நிகழ்ச்சி உற்சாகமாக கொண்டாடப்பட்டது. இன்று ஆடல், பாடல் என களைகட்டிய ‘ஹேப்பி ஸ்ட்ரீட்’ நிகழ்ச்சியில், சிறியவர்கள் முதல் பெரியவர்கள் வரை மகிழ்ச்சியுடன் பங்கேற்றனர்.
இன்று தமிழ் என்ற இளைஞர் ஹிப் ஹாப் இசையில் சங்க தமிழர்களின் வரலாற்றைப் பாடி அனைவரையும் வியப்பில் ஆழ்த்தினார். அங்கு அமைக்கப்பட்டிருந்த மேடையில் பல்வேறு நடனக் கலைஞர்கள் நிகழ்த்திய நடன நிகழ்ச்சிகளை பொதுமக்கள் உற்சாகமாக கண்டுகளித்துள்ளனர்.