சென்னை
தங்கம் விலை இன்று குறைந்துள்ளது
சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது. தங்கத்தின் விலை சர்வதேச பொருளாதார நிலவரத்துக்கு ஏற்ப இந்தியாவில் அவ்வப்போது உயர்ந்தும், குறைந்தும் வருகிறது., கடந்த சில தினங்களுக்கு முன்பு விலை அதிரடியாக குறைந்த நிலையில் தங்கம் ஒரு சவரன் ரூ.65,800-க்கு விற்பனை செய்யப்பட்டது
பிறகு இது படிப்படியாக உயர்ந்த தங்கம் விலை சமீபத்தில் ரூ.74 ஆயிரத்தை கடந்து வரலாற்றில் புதிய உச்சத்தை தொட்டதையடுத்து மேலும் விலை தொடர்ந்து ஏற்ற இறக்கத்தை சந்தித்து வந்தது.
, தங்கம் விலை கடந்த 24ம் தேதி கிராமுக்கு ரூ.10 ரூபாய் குறைந்து ரூ.9,005க்கும், சவரனுக்கு ரூ.80 குறைந்து ரூ.72,040-க்கும் விற்பனை செய்யப்பட்டது. பிறகு கடந்த மூன்று தினங்களாக தங்கம் விலையில் எந்த மாற்றமும் இன்றி ஒரு கிராம் ரூ.9,005க்கும், சவரன் ரூ.72,040க்கும் விற்பனை செய்யப்பட்டது.
இன்று தங்கம் விலை இன்று ஏறுமா அல்லது குறையுமா? என்ற எதிர்பார்க்கப்பட்ட நிலையில், தங்கம் விலை இன்று குறைந்துள்ளது. சென்னையில் ஆபரணத் தங்கத்தின் விலை கிராமுக்கு ரூ.65 குறைந்து ரூ.8,940க்கும், சவரனுக்கு ரூ.520 குறைந்து ரூ.71,520க்கும் விற்பனை செய்யப்படுகிறது.
