அண்ணாமலை இன்று லண்டனில் இருந்து தமிழகம் வருகை

சென்னை

தமிழக பாஜக தலைவர் அண்ணாமலை தனது படிப்பை முடித்துக் கொண்டு இன்று லண்டனில் இருந்து தமிழகத்துக்கு  திரும்பி வருகிறார்.

தமிழக பா.ஜ.க தலைவர் அண்ணாமலை லண்டனில் உள்ள ‘ஆக்ஸ்போர்டு’ பல்கலைக்கழகத்தில் ‘சர்வதேச அரசியல்’ என்ற தலைப்பிலான படிப்பை பயில  தேர்வாகி கடந்த ஆகஸ்டு மாதம் 28 ஆம் தேதி சென்னையில் இருந்து விமானம் மூலம், அண்ணாமலை இங்கிலாந்து புறப்பட்டு சென்றார்.

அண்ணாமலை சர்வதேச அரசியல் படிப்பை பயின்று வந்த அதே காலக்கட்டத்தில், லண்டனில் பல்வேறு நிகழ்ச்சிகளில் கலந்து கொண்டதுடன் அங்குள்ள தமிழக மாணவர்களை சந்தித்து, கலந்துரையாடினார்.

லண்டனில் படிப்பை முடித்துவிட்டு அண்ணாமலை இன்று தமிழகம் வருகிறார்.  லண்டனில் இருந்து தமிழகம் திரும்பும் அண்ணாமலைக்கு சென்னை விமான நிலையத்தில் பா.ஜ.க நிர்வாகிகள், தொண்டர்கள் உற்சாக வரவேற்பு அளிக்க தயாராகி வருகின்றனர்.