சென்னை
இன்றும் நாளையும் சென்னையில் 15 இடங்களில் திருவள்ளுவர் சிலை வெள்ளிவிழா நிகழ்ச்சி நேரடியாக ஒளிபரப்பபட உள்ளது.
திருவள்ளுவர் சிலை கன்னியாகுமரி கடலின் நடுவே நிறுவப்பட்டு 25 ஆண்டுகள் ஆவதையொட்டி இன்று (திங்கட்கிழமை) முதல் தமிழக அரசு சார்பில் வெள்ளி விழா கொண்டாடப்பட உள்ளது. இதையொட்டிஇன்று முதல்வர் மு க ஸ்டாலின் கன்னியாகுமரி வருகிறார்.
அப்போது முதல்வர் மு.க.ஸ்டாலின், திருவள்ளுவர் சிலைக்கும், கடலின் நடுவே மற்றொரு பாறையில் அமைந்துள்ள விவேகானந்தர் மண்டபத்துக்கும் இடையே ரூ.37 கோடியில் அமைக்கப்பட்டுள்ள கண்ணாடி நடைபாலத்தை திறந்து வைக்கிறார்.
கன்னியாகுமரி திருவள்ளுவர் சிலையில் வெள்ளிவிழா நிகழ்ச்சிகளைச் சென்னையில் பொதுமக்கள் கண்டுகளிக்கும் வகையில், 15 இடங்களில் நேரடி ஒளிபரப்பு செய்ய சென்னை மாநகராட்சி ஏற்பாடு செய்துள்ளது.
டிசம்பர் 30 ஆம் தேதி மாலை 5 மணிக்கு தொடங்கும் நிகழ்ச்சி மற்றும் டிசம்பர் 31 ஆம் தேதி காலை 9.30 மணிக்கு நடைபெறும் நிகழ்ச்சிகள் நேரடியாக ஒளிபரப்பு செய்யப்பட உள்ளது.