சென்னை: தமிழ்நாட்டில் கல்லூரிகள் திறக்கப்பட்டு நடைபெற்று வரும் நிலையில், இதுவரை சேராதவர்கள், மீண்டும் சேர விரும்பினால் சேரும் வகையில், தமிழ்நாட்டில் உள்ள அரசு கலை மற்றும் அறிவியல் கல்லூரிகளில் மாணவர்கள் சேர செப்டம்பர் 14 வரை நீட்டிப்பு செய்து கல்லூரி கல்வி இயக்ககம் அறிவித்து உள்ளது.
இதுவரை விண்ணப்பிக்காத மாணவர்கள் இவ்வாய்ப்பினை பயன்படுத்திக் கொள்ள ஏதுவாக www.tngasa.in மற்றும் www.tngasa.org என்ற இணையதளங்கள் வாயிலாக முதலாமாண்டு மாணவர் சேர்க்கைக்கு விண்ணப்பிக்கும் கால அவகாசம் இன்று (12.09.2023) முதல் 14.09.2023 வரை என மூன்று நாட்களுக்கு நீட்டிக்கப்படுகிறது என தெரிவிக்கப்பட்டுள்ளது.
தமிழ்நாட்டில் உள்ள 164 அரசு கலை மற்றும் அறிவியல் கல்லூரிகளில் 2023-24-ஆம் கல்வி ஆண்டிற்கான இளநிலை பாடப்பிரிவுகளில் மாணவர் சேர்க்கை ஏற்கனவே நடைபெற்றது. இருந்தாலும் பல கல்லூரிகளில் சில பாடப்பிரிவுகள் காலியாக இருந்தன. இதனால், முழுமையாக நிரப்பப்படாமல் காலியாக இருந்த சில பாடப்பிரிவுகளுக்கு, நேரடி மாணவர் சேர்க்கை கல்லூரிகளில் 21.08.2023 முதல் நடத்தப்பட்டது. இருப்பினும், சில அரசு கல்லூரிகளில் மாணவர் சேர்க்கைக்கான இடங்கள் முழுமையாக நிரப்பப்படாமல் சில பாடப்பிரிவுகளில் காலியாக இருந்து வந்தன.
இதையடுத்து, இளநிலை பட்டப்படிப்புக்கு இதுவரை விண்ணப்பிக்காத மாணவர்கள் இவ்வாய்ப்பினை பயன்படுத்திக் கொள்ள ஏதுவாக www.tngasa.in மற்றும் www.tngasa.org என்ற இணையதளங்கள் வாயிலாக முதலாமாண்டு மாணவர் சேர்க்கைக்கு விண்ணப்பிக்கும் கால அவகாசம் இன்று (12.09.2023) முதல் 14.09.2023 வரை என மூன்று நாட்களுக்கு நீட்டிக்கப்படுகிறது.
கல்லூரிகளில் நிரப்பப்படாமல் காலியாக உள்ள கல்லூரி வாரியான பாடப்பிரிவுகளின் விவரங்களை www.tngasa.in என்ற இணையதளத்தில் TNGASA 2023-UG VACANCY என்ற தொகுப்பில் காணலாம் என உயர்கல்வித் துறை முதன்மைச் செயலாளர் தெரிவித்துள்ளார்.