விஜய் இயக்கத்தில் கங்கனா ரனாவத் நடித்துள்ள திரைப்படம் தலைவி. மறைந்த முன்னாள் முதல்வர் ஜெயலலிதாவின் வாழ்க்கை வரலாற்றை மையப்படுத்தி இப்படம் உருவாகி வருகிறது.
தமிழ், இந்தியில் தயாராகியிருக்கும் இப்படம் தெலுங்கு, மலையாளம் உள்ளிட்ட மொழிகளிலும் வெளியாக உள்ளது.
கொரோனா பரவல் வேகமெடுத்திருக்கும் நிலையில், மீண்டும் இயல்புநிலைக்கு திரும்ப இன்னும் சில மாதங்களாகும் என நிபுணர்கள் கூறியுள்ளனர். இதனால், தலைவியை ஓடிடியில் வெளியிட இருப்பதாக ஒரு வதந்தி கிளம்பியது. அதற்கு தயாரிப்பாளர் தரப்பு விளக்கம் அளித்துள்ளது.
தலைவி பெரிய பட்ஜெட்டில் உருவான திரைப்படம். தலைவி முதலில் திரையரங்குகளில் தான் வெளியாகும். அதன் பிறகே ஓடிடி-யில் வெளியாகும் என தெரிவித்துள்ளனர். தலைவியின் தமிழ்ப் பதிப்பு அமேசானிலும், இந்திப் பதிப்பு நெட்பிளிக்ஸிலும் வெளியாகும் எனவும் கூறியுள்ளனர்.