சென்னை: தமிழ்நாட்டின் வளர்ச்சி, திமுக ஆட்சிக்கு வந்த பிறகு, கடந்த 3ஆண்டுகளில் 8% உயர்ந்துள்ளது முதலமைச்சர் மு.க.ஸ்டாலின் பெருமிதத்துடன் தெரிவித்து உள்ளார்.
இந்திய நகரங்களில் வாழக்கூடிய சூழல்களை உருவாக்குவது குறித்த சிஐஐ எனப்படும் இந்திய தொழில் கூட்டமைப்பு மாநாடு சென்னையில் நடைபெற்றது. இந்த மாநாட்டை தொடங்கி வைத்து சிறப்புரை ஆற்றிய முதல்வர் ஸ்டாலின், தமிழ்நாட்டின் வளர்ச்சி கடந்த 3ஆண்டுகளில் 8% உயர்ந்துள்ளது என தெரிவித்தார்.
“தமிழ்நாடு அரசும் – இந்திய தொழில் கூட்டமைப்பும் பல ஆண்டு காலமாக இணைந்து செயல்பட்டு தமிழ்நாட்டின் வளர்ச்சியில் முக்கிய பங்காற்றி வந்துகொண்டிருக்கிறது. இந்த நேரத்தில், CII கூட்டமைப்பு, தமிழ்நாட்டின் தொழில்துறை வளர்ச்சி மற்றும் பொருளாதார முன்னேற்றத்திற்கு செய்து வரும் முயற்சிகளுக்கு, என்னுடைய நெஞ்சார்ந்த நன்றியை நான் தெரிவித்துக்கொள்ள விரும்புகிறேன்.
இந்தியாவின் வளர்ச்சியில், தமிழ்நாடு முக்கியப் பங்கு வகிக்கிறது. இந்தியாவிலேயே, இரண்டாவது பெரிய பொருளாதாரமாக தமிழ்நாடு விளங்குகிறது. இந்தியாவின் உற்பத்தித் துறை மொத்த மதிப்புக் கூட்டலில், தமிழ்நாடு 12.11 விழுக்காடு பங்களிப்பு செய்கிறது. கடந்த 3 ஆண்டுகளில், தமிழ்நாடு 8 விழுக்காட்டுக்கும் அதிகமான பொருளாதார வளர்ச்சி கண்டிருக்கிறது.
தமிழ்நாட்டின் வளர்ச்சி தனித்தன்மை வாய்ந்தது. இந்த வளர்ச்சியை மேலும் மேம்படுத்தும் வகையில், 2030-ஆம் ஆண்டுக்குள், தமிழ்நாட்டை 1 டிரில்லியன் பொருளாதார மாநிலமாக உயர்த்திட – ஒரு உயரிய இலக்கு நிர்ணயித்து, அந்தப் பாதையில் பயணித்து வருகிறோம். பொருளாதார வளர்ச்சி மட்டுமல்ல; எல்லோரையும் உள்ளடக்கிய வளர்ச்சி!
சமூகநீதியை உள்ளடக்கிய வளர்ச்சி! பெண்கள் முன்னேற்றம் மற்றும் சமத்துவம் போன்ற கொள்கைகளை அடித்தளமாக கொண்ட ஒட்டுமொத்த வளர்ச்சியை எங்களுடைய இலக்காக கொண்டிருக்கிறோம்! இதனால்தான், தமிழ்நாடு மற்ற மாநிலங்களிலிருந்து தனித்து விளங்குகிறது!
நம்முடைய தமிழ்நாடு, நகர்ப்புற மக்கள்தொகை அதிகம் கொண்ட மிகவும் நகரமயமாக்கப்பட்ட மாநிலம் மட்டுமல்ல, மிகவும் தொழில் மயமாக்கப்பட்ட மாநிலம்!
இந்தியாவிலேயே அதிக எண்ணிக்கையிலான தொழிற்சாலைகள், தமிழ்நாட்டில் தான் இருக்கிறது. தமிழ்நாடு முழுவதும் சீரான மற்றும் பரவலான வளர்ச்சியை கொண்டுவர நாங்கள் எடுத்து வரும் முயற்சிகள் பலன் அளித்து வருகிறது.
கோயம்புத்தூர், திருச்சி, ஓசூர், மதுரை, சேலம், தூத்துக்குடி போன்ற நகரங்களும் பொருளாதார சக்திகளாக உருவெடுத்திருக்கிறது. நம்முடைய வளர்ச்சியை எடுத்துக்காட்டுவது போன்ற செய்திகளை நீங்கள் எல்லோரும் பார்த்திருப்பீர்கள் என்று நம்புகிறேன். இந்தியாவின் மொத்த மின்னணு பொருட்கள் ஏற்றுமதியில் 37.1 விழுக்காட்டோடு தமிழ்நாடு முதலிடம் வகிக்கிறது. அதுவும் கடந்த 11 மாதங்களில் 12.6 பில்லியன் டாலர் மதிப்புள்ள மின்னணு பொருட்களை ஏற்றுமதிசெய்து புதிய உச்சத்தை தொட்டிருக்கிறோம்.
உலகின் முன்னணி நிறுவனங்களான, ஃபாக்ஸ்கான், வின்ஃபாஸ்ட், செம்ப்கார்ப், கார்னிங் தங்கள் உற்பத்தித் திட்டங்களை தமிழ்நாட்டில் தொடங்க முன்வந்திருப்பதே, இதற்கு ஒரு சான்று!
அதுமட்டுமல்ல, நிலைத்தன்மை நடவடிக்கைகள் மேற்கொள்வதில், தமிழ்நாடு மற்ற மாநிலங்களுக்கு எடுத்துக்காட்டாக திகழ்கிறது. சென்னையை சுற்றியிருக்கும் தொழிற்சாலைகளுக்கு, TTRO முறையில், தண்ணீர் வழங்கப்படுகிறது. மேலும் பசுமை திட்டங்களை ஊக்குவிக்க, தமிழ்நாடு தொழில் கொள்கை 2021-ன்படி பசுமை ஊக்கத்தொகை வழங்கப்படுகிறது.
தொழில் துறைக்கு மேலும் வலு சேர்க்கும் விதமாக, பல்வேறு திட்டங்களை, இந்தாண்டு நிதிநிலை அறிக்கையில் அறிவித்திருக்கிறோம். அதில் சிலவற்றை மட்டும் நான் சொல்ல வேண்டும் என்றால்,
500 கோடி ரூபாயில் தமிழ்நாடு செமிகண்டக்டர் மிஷன்!
சூலூர் மற்றும் பல்லடத்தில் தலா 100 ஏக்கர் பரப்பளவில், செமி கண்டக்டர் உற்பத்திப் பூங்கா!
சென்னைக்கு அருகில் உலகளாவிய நகரம்!
என்று பல அறிவிப்புகளை வெளியிட்டு இருக்கிறோம்.
தமிழ்நாடு அரசு மற்றும் இந்திய தொழில் கூட்டமைப்பு இடையிலான நட்புறவை தொடர்ந்து வலுப்படுத்துவேன் என்று இந்த நிகழ்ச்சியில் நான் உறுதியாக தெரிவித்துக்கொள்ள விரும்புகிறேன்.
நகர்ப்புற உள்கட்டமைப்பு, சுற்றுச்சூழல் நிலைத்தன்மை மற்றும் குடிமக்களின் வாழ்க்கைத் தரத்தை உயர்த்தும் வாழ்க்கைத் தர முயற்சிகளை முன்னெடுப்பதிலும் இந்த ஒத்துழைப்பு தொடரும்.
பொருளாதார வளர்ச்சியில் முக்கிய பங்காற்றும் நகரங்களுக்கு இந்த வளர்ச்சியோடு மக்கள் வாழ எல்லா வகையிலும் ஏற்றதாக இருக்க வேண்டும். மக்களின் மகிழ்ச்சி, ஆரோக்கியம் மற்றும் உற்பத்தித் திறனை உயர்த்தும் வகையில் நகரங்கள் திட்டமிடப்பட்டு உருவாக்கப்பட வேண்டும். சென்னையை ஒரு உலக தரத்திலான நகரமாக உருவாக்க, மூன்றாவது முழுமைத் திட்டத்தை (3rd Master Plan) தயாரித்துக்கொண்டு வருகிறோம்.
மாநில அரசு சார்பாக கோயம்புத்தூர், மதுரை, ஓசூர், சேலம், திருப்பூர், திருச்சிராப்பள்ளி, வேலூர், திருநெல்வேலி உள்ளிட்ட 136 நகரங்களுக்கு முழுமைத் திட்டங்களை (Master Plan) உருவாக்கிக்கொண்டு இருக்கிறோம். இதன் மூலம் நகர விரிவாக்கங்கள் நடைபெறும்போது மக்களின் வாழ்க்கைத் தரம் மிகவும் மேம்படும்.
பசுமை இயக்கத்திற்கு முன்னோடியாக தமிழ்நாடு செயல்படுகிறது. நம்முடைய மின்வாகனக் கொள்கை மாநிலத்தை E.V. உற்பத்தியின் மையமாக மாற்றி இருக்கிறது. ஓலா, வின்ஃபாஸ்ட், டாடா மோட்டார்ஸ் போன்ற நிறுவனங்கள், தங்களின் திட்டங்களை நம்முடைய மாநிலத்தில் நிறுவியிருக்கிறார்கள். மேலும், பசுமை ஹைட்ரஜன் திட்டங்களிலும் முக்கிய முதலீடுகள் செய்யப்பட்டிருக்கிறது.
உலகளாவிய முன்னோடிகளுடன் இணைந்து, தூய்மையான ஆற்றலில் அடுத்த தலைமுறை தீர்வுகளை உருவாக்க தமிழ்நாடு முன்முயற்சிகளை மேற்கொண்டு வருகிறது. நகர்ப்புற நிலைத்தன்மைக்கு நீர் பாதுகாப்பும் கழிவு மேலாண்மையும் மிகவும் முக்கியம். இதைக் கருத்தில் கொண்டுதான், தமிழ்நாடு அரசு பல நடவடிக்கைகளை எடுத்து வருகிறது.
தமிழ்நாடு நீர் பாதுகாப்பு திட்டம் மூலம் மழைநீர் சேகரிப்பு, ஏரிகள் புதுப்பித்தல், மற்றும் நீர்வளங்களை திறம்பட நிர்வகித்தல் போன்ற நடவடிக்கைகளை செயல்படுத்தி வருகிறோம். திடக்கழிவு மேலாண்மை மற்றும் சர்க்குலர் எக்கானமி ஆகியவற்றிற்கு முக்கியத்துவம் வழங்கி, சுற்றுச்சூழலைப் பேணி பாதுகாக்க மறுசுழற்சி மற்றும் கழிவுகளை ஆற்றலாக மாற்றும் திட்டங்கள் ஊக்குவிக்கப்படுகிறது.
கழிவுநீர் வடிகால் அமைப்புகள் மேம்படுத்தப்பட்டு, நகர்ப்புற வெள்ளத்தைக் கட்டுப்படுத்தவும், சுற்றுச்சூழலைப் பேணவும் நடவடிக்கைகள் மேற்கொள்ளப் பட்டிருக்கிறது.
தமிழ்நாடு காலநிலை மாற்ற இயக்கம் மூலமாக, நிலைத்தன்மை கொண்ட வாழ்விடங்களை ஊக்குவித்து, கார்பன் பயன்பாட்டை குறைத்து, காலநிலை மாற்றங்களை எதிர்கொள்ள நினைக்கிறோம். நகரங்களை வாழ்வதற்கு ஏற்றதாகவும் நிலைத்தன்மை கொண்டதாகவும் மாற்றுவது சமூகப் பொறுப்பாக மட்டுமல்லாமல், இது உங்களுக்கெல்லாம் ஒரு பொருளாதார வாய்ப்பாகவும் இருக்கும்.
எனவே, மின்சார போக்குவரத்து, நிலையான கட்டுமானம் மற்றும் தூய்மையான தொழில்நுட்பம் போன்ற பசுமை பொருளாதாரத் துறைகளில் தமிழ்நாட்டில் முதலீடு செய்யுமாறு உங்களை இந்தத் தருணத்தில் நான் கேட்டுக்கொள்கிறேன்.
புத்தாக்கமான ஸ்மார்ட் நகர தீர்வுகள், ஆற்றல் செயல்திறன் மற்றும் உள்கட்டமைப்பு மேம்பாடு போன்ற திட்டங்களில் எங்களுடன் இணைந்து செயல்படுங்கள் என்று உங்களுக்கு நான் இந்த நேரத்தில் அழைப்பு விடுக்கிறேன். வாழ்வதற்கேற்ற, நிலைத்தன்மை கொண்ட மற்றும் செழிப்பு நிறைந்த நகரங்களை உருவாக்குவதுதான், நம் எல்லோருடைய இலக்கு!
தமிழ்நாடு அரசு, உங்களுடனும், தொழில் துறையுடனும் இணைந்து உலகத் தரத்திற்கேற்ப உள்கட்டமைப்புகளை உருவாக்க உறுதிபூண்டிருக்கிறது. இது பொருளாதார வளர்ச்சியை மேம்படுத்துவதோடு, எதிர்கால தலைமுறையின் நலனையும் பாதுகாக்கும்.
வளர்ச்சியும் நிலைத்தன்மையும் ஒன்றிணையும் இந்த மாற்றம் நிறைந்த பயணத்தில், தமிழ்நாடு உங்களை அன்புடன் வரவேற்கிறது என்று உங்களுக்கு, என்னுடைய நெஞ்சார்ந்த நன்றியைத் தெரிவித்துக்கொள்கிறேன். இந்த மாநாடு வெற்றியடைய என்னோட வாழ்த்துகள்!
தமிழ்நாட்டை மற்ற மாநிலங்களுடன் ஒப்பிடக் கூடாது. மற்ற வளர்ந்த நாடுகளுடன் ஒப்பிட்டுப் பார்க்க வேண்டும். வளர்ச்சியில் பெரும் பாய்ச்சலை நிகழ்த்திக்கொண்டு இருக்கும் நம்முடைய தமிழ்நாட்டுக்கு உங்களோடு தொடர்பில் இருக்கும் முதலீட்டாளர்களை நீங்கள் அழைத்துக்கொண்டு வர வேண்டும்.
நம் நகரங்கள் உலகளவில் போட்டி போடக் கூடியவைகளாக மட்டுமல்லாமல், இன்றைக்கு வாழ்வதற்கேற்ற, நிலையான மற்றும் அனைவருக்குமானதாக இருக்க வேண்டும் என்பதுதான் நம்முடைய உயரிய நோக்கம். அந்த இலக்கை அடைந்திட ஒன்றாக முன்னேறுவோம் வாருங்கள். தெரிவித்துக்கொள்ள விரும்புகிறேன்.
நகர்ப்புற உள்கட்டமைப்பு, சுற்றுச்சூழல் நிலைத்தன்மை மற்றும் குடிமக்களின் வாழ்க்கைத் தரத்தை உயர்த்தும் வாழ்க்கைத் தர முயற்சிகளை முன்னெடுப்பதிலும் இந்த ஒத்துழைப்பு தொடரும்.
பொருளாதார வளர்ச்சியில் முக்கிய பங்காற்றும் நகரங்களுக்கு இந்த வளர்ச்சியோடு மக்கள் வாழ எல்லா வகையிலும் ஏற்றதாக இருக்க வேண்டும். மக்களின் மகிழ்ச்சி, ஆரோக்கியம் மற்றும் உற்பத்தித் திறனை உயர்த்தும் வகையில் நகரங்கள் திட்டமிடப்பட்டு உருவாக்கப்பட வேண்டும். சென்னையை ஒரு உலக தரத்திலான நகரமாக உருவாக்க, மூன்றாவது முழுமைத் திட்டத்தை (3rd Master Plan) தயாரித்துக்கொண்டு வருகிறோம்.
மாநில அரசு சார்பாக கோயம்புத்தூர், மதுரை, ஓசூர், சேலம், திருப்பூர், திருச்சிராப்பள்ளி, வேலூர், திருநெல்வேலி உள்ளிட்ட 136 நகரங்களுக்கு முழுமைத் திட்டங்களை (Master Plan) உருவாக்கிக்கொண்டு இருக்கிறோம். இதன் மூலம் நகர விரிவாக்கங்கள் நடைபெறும்போது மக்களின் வாழ்க்கைத் தரம் மிகவும் மேம்படும்.
பசுமை இயக்கத்திற்கு முன்னோடியாக தமிழ்நாடு செயல்படுகிறது. நம்முடைய மின்வாகனக் கொள்கை மாநிலத்தை E.V. உற்பத்தியின் மையமாக மாற்றி இருக்கிறது. ஓலா, வின்ஃபாஸ்ட், டாடா மோட்டார்ஸ் போன்ற நிறுவனங்கள், தங்களின் திட்டங்களை நம்முடைய மாநிலத்தில் நிறுவியிருக்கிறார்கள். மேலும், பசுமை ஹைட்ரஜன் திட்டங்களிலும் முக்கிய முதலீடுகள் செய்யப்பட்டிருக்கிறது.
உலகளாவிய முன்னோடிகளுடன் இணைந்து, தூய்மையான ஆற்றலில் அடுத்த தலைமுறை தீர்வுகளை உருவாக்க தமிழ்நாடு முன்முயற்சிகளை மேற்கொண்டு வருகிறது. நகர்ப்புற நிலைத்தன்மைக்கு நீர் பாதுகாப்பும் கழிவு மேலாண்மையும் மிகவும் முக்கியம். இதைக் கருத்தில் கொண்டுதான், தமிழ்நாடு அரசு பல நடவடிக்கைகளை எடுத்து வருகிறது.
தமிழ்நாடு நீர் பாதுகாப்பு திட்டம் மூலம் மழைநீர் சேகரிப்பு, ஏரிகள் புதுப்பித்தல், மற்றும் நீர்வளங்களை திறம்பட நிர்வகித்தல் போன்ற நடவடிக்கைகளை செயல்படுத்தி வருகிறோம். திடக்கழிவு மேலாண்மை மற்றும் சர்க்குலர் எக்கானமி ஆகியவற்றிற்கு முக்கியத்துவம் வழங்கி, சுற்றுச்சூழலைப் பேணி பாதுகாக்க மறுசுழற்சி மற்றும் கழிவுகளை ஆற்றலாக மாற்றும் திட்டங்கள் ஊக்குவிக்கப்படுகிறது.
கழிவுநீர் வடிகால் அமைப்புகள் மேம்படுத்தப்பட்டு, நகர்ப்புற வெள்ளத்தைக் கட்டுப்படுத்தவும், சுற்றுச்சூழலைப் பேணவும் நடவடிக்கைகள் மேற்கொள்ளப்பட்டிருக்கிறது.
தமிழ்நாடு காலநிலை மாற்ற இயக்கம் மூலமாக, நிலைத்தன்மை கொண்ட வாழ்விடங்களை ஊக்குவித்து, கார்பன் பயன்பாட்டை குறைத்து, காலநிலை மாற்றங்களை எதிர்கொள்ள நினைக்கிறோம். நகரங்களை வாழ்வதற்கு ஏற்றதாகவும் நிலைத்தன்மை கொண்டதாகவும் மாற்றுவது சமூகப் பொறுப்பாக மட்டுமல்லாமல், இது உங்களுக்கெல்லாம் ஒரு பொருளாதார வாய்ப்பாகவும் இருக்கும்.
எனவே, மின்சார போக்குவரத்து, நிலையான கட்டுமானம் மற்றும் தூய்மையான தொழில்நுட்பம் போன்ற பசுமை பொருளாதாரத் துறைகளில் தமிழ்நாட்டில் முதலீடு செய்யுமாறு உங்களை இந்தத் தருணத்தில் நான் கேட்டுக்கொள்கிறேன்.
புத்தாக்கமான ஸ்மார்ட் நகர தீர்வுகள், ஆற்றல் செயல்திறன் மற்றும் உள்கட்டமைப்பு மேம்பாடு போன்ற திட்டங்களில் எங்களுடன் இணைந்து செயல்படுங்கள் என்று உங்களுக்கு நான் இந்த நேரத்தில் அழைப்பு விடுக்கிறேன். வாழ்வதற்கேற்ற, நிலைத்தன்மை கொண்ட மற்றும் செழிப்பு நிறைந்த நகரங்களை உருவாக்குவதுதான், நம் எல்லோருடைய இலக்கு!
தமிழ்நாடு அரசு, உங்களுடனும், தொழில் துறையுடனும் இணைந்து உலகத் தரத்திற்கேற்ப உள்கட்டமைப்புகளை உருவாக்க உறுதிபூண்டிருக்கிறது. இது பொருளாதார வளர்ச்சியை மேம்படுத்துவதோடு, எதிர்கால தலைமுறையின் நலனையும் பாதுகாக்கும்.
வளர்ச்சியும் நிலைத்தன்மையும் ஒன்றிணையும் இந்த மாற்றம் நிறைந்த பயணத்தில், தமிழ்நாடு உங்களை அன்புடன் வரவேற்கிறது என்று உங்களுக்கு, என்னுடைய நெஞ்சார்ந்த நன்றியைத் தெரிவித்துக்கொள்கிறேன். இந்த மாநாடு வெற்றியடைய என்னோட வாழ்த்துகள்!
தமிழ்நாட்டை மற்ற மாநிலங்களுடன் ஒப்பிடக் கூடாது. மற்ற வளர்ந்த நாடுகளுடன் ஒப்பிட்டுப் பார்க்க வேண்டும். வளர்ச்சியில் பெரும் பாய்ச்சலை நிகழ்த்திக்கொண்டு இருக்கும் நம்முடைய தமிழ்நாட்டுக்கு உங்களோடு தொடர்பில் இருக்கும் முதலீட்டாளர்களை நீங்கள் அழைத்துக்கொண்டு வர வேண்டும்.
நம் நகரங்கள் உலகளவில் போட்டி போடக் கூடியவைகளாக மட்டுமல்லாமல், இன்றைக்கு வாழ்வதற்கேற்ற, நிலையான மற்றும் அனைவருக்குமானதாக இருக்க வேண்டும் என்பதுதான் நம்முடைய உயரிய நோக்கம். அந்த இலக்கை அடைந்திட ஒன்றாக முன்னேறுவோம் வாருங்கள்.
இவ்வாறு கூறினார்.