சென்னை
தெற்கு ரயில்வே தாம்பரம் – நாகர்கோவில் வாராந்திர சிறப்பு ரயில் சேவையை மேலும் 3 மாதம் நிட்டித்துள்ளது.
இன்று தெற்கு ரெயில்வே வெளியிட்டுள்ள அறிவிப்பில்,
“பயணிகளின் வசதிக்காகவும், கூட்ட நெரிசலை தவிர்க்கவும் பல்வேறு சிறப்பு ரயில்கள் இயக்கப்பட்டு வருகிறது. அந்த வகையில், தாம்பரம் – நாகர்கோவில், நாகர்கோவில் – தாம்பரம் இடையே வாராந்திர சிறப்பு ரயில் இயக்கப்பட்டு வருகின்றன. இந்த வாரந்திர சிறப்பு ரயில் சேவை மேலும் 3 மாதங்களுக்கு நீட்டிக்கப்படுவகிறது.
அதன்படி, நாகர்கோவிலில் இருந்து ஞாயிற்றுக்கிழமை தோறும் இரவு 11.15 மணிக்கு புறப்பட்டு மறுநாள் காலை 11.15 மணிக்கு தாம்பரம் வரும் வாரந்திர சிறப்பு ரயில் (வண்டி எண்.06012), வரும் செப்டம்பர் 1, 8, 15, 22, 29, அக்டோபர் 6, 13, 20, 27, நவம்பர் 3, 10, 17, 24 ஆகிய தேதிகள் வரை நீட்டிக்கப்பட்டுள்ளது.
மறுமார்க்கமாக, தாம்பரத்தில் இருந்து திங்கட்கிழமை தோறும் பிற்பகல் 3.30 மணிக்கு புறப்பட்டு அடுத்தநாள் காலை 3.45 மணிக்கு நாகர்கோவில் செல்லும் வாராந்திர சிறப்பு ரயில் (06011), வரும் செப்டம்பர் 2, 9, 16, 23, 30, அக்டோபர் 7, 14, 21, 28, நவம்பர் 4, 11, 18, 25 ஆகிய தேதிகள் வரை நீட்டிக்கப்பட்டுள்ளது”
என்று தெரிவிக்கப்பட்டுள்ளது.