அடுத்தாண்டு இங்கிலாந்து சுற்றுப்பயணம் செய்யும் இந்திய அணி – அட்டவணை வெளியீடு!

மன்செஸ்டர்: இந்திய அணி, அடுத்தாண்டு இங்கிலாந்தில் சுற்றுப்பயணம் செய்வது தொடர்பான அட்டவணையை வெளியிட்டுள்ளது இங்கிலாந்து கிரிக்கெட் வாரியம்.

இந்திய அணி, அடுத்தாண்டு ஆகஸ்ட் – செப்டம்பர் காலக்கட்டங்களில், இங்கிலாந்து சென்று டெஸ்ட் தொடரில் பங்கேற்கிறது. அதாவது, 5 ஆட்டங்கள் கொண்ட டெஸ்ட் தொடரில் ஆடுகிறது இந்திய அணி.

இரு அணிகளுக்கு இடையிலான முதல் டெஸ்ட் போட்டி, ஆகஸ்ட் 4ம் தேதி முதல் 8ம் தேதி வரை நாட்டிங்காம் மைதானத்தில் நடக்கிறது.

இரண்டாவது டெஸ்ட், ஆகஸ்ட் 12 முதல் 16ம் தேதி வரை, லார்ட்ஸ் மைதானத்திலும், மூன்றாவது டெஸ்ட் ஆகஸ்ட் 25 முதல் 29ம் தேதி வரை லீட்ஸ் மைதானத்திலும், நான்காவது டெஸ்ட், செப்டம்பர் 2 முதல் 6ம் தேதி வரை ஓவல் மைதானத்திலும் நடைபெறுகின்றன.

இறுதியாக, ஐந்தாவது கடைசி டெஸ்ட் போட்டி, மான்செஸ்டரில் செப்டம்பர் 10 முதல் 14ம் தேதி வரை மான்செஸ்டரில் நடைபெறுகிறது.