சென்னை:
தமிழக சட்டமன்ற மானிய கோரிக்கை விவாத கூட்டத்தொடர் இன்று தொடங்கிய நிலையில், திமுக எம்எல்ஏக்கள் கூட்டத்துக்கு திமுக தலைமை அழைப்பு விடுத்திருந்தது.
அதன்படி இன்று காலை 11 மணி அளவில் திமுக எம்எல்ஏக்கள் கூட்டம் திமுக தலைமையகமான அண்ணா அறிவாலயத்தில் தொடங்கியது. திழக தலைவர் ஸ்டாலின் அவர்கள் தலைமையில் நடைபெற்ற இந்த கூட்டத்தில் முதலில் மறைந்த இராதாமணி எம்எல்ஏ அவர்களுக்கு இரண்டு நிமிடம் மவுன அஞ்சலி செலுத்தப்பட்டது.
அனைத்து உறுப்பினர்களும் எழுந்து நின்று 2 நிமிடம் மவுன அஞ்சலி செலுத்தினர். அதைத் தொடர்ந்து ஆலோசனை நடைபெற்றது.
‘இந்த ஆலோசனையில் சட்டமன்றத்தில் திமுக உறுப்பினர்கள் செயல்பட வேண்டிய விதம், மற்றும் திமுக கொடுத்துள்ள தீர்மானம் மற்றும் அது தொடர்பான விவாதங்கள் குறித்து சட்டமன்ற உறுப்பினர்களுடன் ஸ்டாலின் விவாதித்தாக கூறப்படுகிறது.
