சென்னை
வரும் 21, 28 மற்றும் செப்டம்பர் 4 ஆம் தேதிகளில் திருவனந்தபுரம் – வேளாங்கண்ணி சிறப்பு ரயில் இயக்கப்பட உள்ளது.
தெற்கு ரயில்வே வெளியிட்டுள்ள செய்திக்குறிப்பில்,
”வேளாங்கண்ணி மாதா ஆலயம் திருவிழாவையொட்டி பொதுமக்களின் நலன் கருதி திருவனந்தபுரத்தில் இருந்து வேளாங்கண்ணிக்கு சிறப்பு ரயில் (ரயில் எண்-06115) இயக்கப்பட உள்ளது.
இந்த ரயில் வருகிற 21, 28-ந் தேதி மற்றும் அடுத்த மாதம் (செப்டம்பர்) 4-ந் தேதி ஆகிய நாட்களில் இயக்கப்பட உள்ளது.
இந்த ரயில் திருவனந்தபுரத்தில் இருந்து புதன்கிழமை தோறும் மதியம் 3.25 மணிக்கு புறப்படும்.
பின்னர் மாலை 4.11 மணிக்கு குழித்துறை, 6.40 மணிக்கு நாகர்கோவில் டவுன் ரெயில் நிலையம் வந்து வள்ளியூர் மற்றும் நெல்லை வழியாக மறுநாள் அதிகாலை 4 மணிக்கு வேளாங்கண்ணி சென்றடையும்.
மறு மார்க்கத்தில் இந்த ரயில் (ரயில் எண்-06116) 22, 29 மற்றும் செப்டம்பர் 5-ந் தேதிகளில் வேளாங்கண்ணியில் இருந்து திருவனந்தபுரத்துக்கு புறப்படும்”
என்று தெரிவிக்கப்பட்டுள்ளது.