அக்ஷய் குமார், அஜய் தேவ்கன், ரன்வீர் சிங் ஆகிய மூவரையும் வைத்து ‘சூர்யவன்ஷி’ படத்தை இயக்கியுள்ளார் ரோஹித் ஷெட்டி.
கொரோனா அச்சுறுத்தலால் சுமார் ஓராண்டாக வெளியீடு தள்ளிவைக்கப்பட்டு வந்தது.
3 முன்னணி நாயகர்கள் இணைந்து நடித்துள்ள படம் என்பதால், விநியோகஸ்தர்கள் மற்றும் திரையரங்க உரிமையாளர்களும் ‘சூர்யவன்ஷி’ வெளியீட்டை ஆவலுடன் எதிர்நோக்கி இருந்தார்கள். நேற்று (மார்ச் 14) இயக்குநர் ரோஹித் ஷெட்டி பிறந்த நாளை முன்னிட்டு ‘சூர்யவன்ஷி’ திரைப்படம் ஏப்ரல் 30-ம் தேதி திரையரங்குகளில் வெளியாகும் என அறிவிக்கப்பட்டுள்ளது.
‘சூர்யவன்ஷி’ படத்தை கரண் ஜோஹர், ரோஹித் ஷெட்டி மற்றும் ரிலையன்ஸ் நிறுவனம் இணைந்து தயாரித்துள்ளது.