மெல்போர்ன்: ஆஸ்திரேலிய ஓபன் டென்னிஸ் தொடரின் பெண்கள் ஒற்றையர் பிரிவில் அமெரிக்காவின் சோபியா கெனின் சாம்பியன் பட்டம் வென்றுள்ளார்.
சோபியா கெனின், உலகின் ‘நம்பர் 15’ நிலையில் இருந்து வந்தார். இவர் இறுதிப் போட்டியில், ஸ்பெயின் நாட்டின் முகுருஜாவை சந்தித்தார். இவர் ‘நம்பர் 32’ இடத்தில் உள்ளவர்.
பெண்கள் ஒற்றையர் பிரிவில், செரினா வில்லியம்ஸ் போன்ற முன்னணி வீராங்கனைகள் வெளியேறிவிட்ட நிலையில், பெரிதாக எதிர்பார்க்கப்படாத இரு வீராங்கனைகள் இறுதியில் மோதினர்.
முதல் செட்டை முகுருஜா 6-4 என்று கைப்பற்றிவிட, அடுத்து வெகுண்டெழுந்த சோபியா, இரண்டாவது செட்டை 6-2 என்ற கணக்கில் வென்றார். பின்னர், கடைசி செட்டையும் 6-2 என்ற கணக்கில் கைப்பற்றிய சோபியா சாம்பியன் பட்டம் வென்றார்.
இந்தப் போட்டி, மொத்தமாக 2 மணிநேரம் 3 நிமிடம் நீடித்தது. சோபியா வெல்லும் முதல் கிராண்ட்ஸ்லாம் பட்டமாகும் இது.